Bugünki aytışmalarnıñ esas suallernıñ biri tınç ceryanı edi - Zelenskiy
Rus tecavuznıñ çerçivisinde Ukrainanı devlet liderleri ziyaret etmege devam eteler. Kiçik aynıñ 8, Kiyevge iş ziyaretinnen Frenkistan prezidenti Emmanuel Makron keldi. Ukraina ve Frenkistan prezidentlernıñ arasında keçirilgen aytışmalarnıñ esas mevzusınnen Donbastaki vaziyetnıñ tınç regullerşesi oldı. Emmanüyel Makron Volodimir Zelenskiyge beyan etti ki, Frenkistan Ukraina suverenitetine imdat bildirtk ve ukrain prezidentini olğan vaziyette olğan cesürligi sebebinden maqtadı.
Bunı ukrain devletnıñ başı körüşüvnıñ neticeleri ile brifing devamında haber etti.
“Menim Moskvağa ve Kiyevge bir niyetnen keldim - avropalı qıtada telükesizlik-mudafaa nizamını ğayrıdan tiklemek içün”, - Makron beyan etti.
Oñıñ fikirine köre, deyeskalatsiya yolu episi tarafları arasında minsk aytışmalarnıñ yerine keterüvi ve yañı telükesizlik mehanizmlernıñ yaratuvı.
“Kelecek aftaları devamında biz qıyın vazifenı yerine ketirmege, qıtada telükesizlik saada dialogını kenişlemege ve telüyükesizlik-mudaafa nizamnı yaratmağa kerek olacaq”, - Makron ayttı.
Frenk haber vastalarına peyda olğan Putin ve Makron arasında Ukrainanıñ “finlândiştirmesi” aqqında malümatları sebebinden jurnalistlernıñ suallerine, Frenkistan prezidenti kergin yasaq berdi.
O ayttı ki, Ğarpnıñ fikiri - NATOda açıq qapu siyasetini saqlamağa, Finlândiya kibi devletler içün de.
“Men bu formularnen qullanmağan edim. Siz “finlândiştirme” sözınnen qullandıñız”, - Makron ayttı.
Daa Ukraina prezidenti beyan etti ki, olarnıñ Makronnen Ukraina ve Avropa içün ihtiyaçlarına nazar noqtaları kelişe. Aytqanına köre, Frenkistan iqtisadiy yardım ile 1,2 miliard yevro berecek. Şartlarını aytmadılar.
Zelenskiy qayd etti ki, telükesizlik saada Ukraina ve Frenkistan arasında işbirligi müim ola. O hatırlattı ki, Paris Normand formatında müim emiyetini oynacaq.
“Tınç ceryan bugünki aytışmalarnıñ esas suallerden biri oldı. Biz bekleymiz ki, yaqın zamanda, 2019 senenin aralıq ayında Paris sammitinde qayd etilgen añlaşmalarıına köre, biz “normand dörtnıñ” liderleri ile kelecek añlaşmalarını keçirmege olacamız”, - Zelenskiy ayttı.
Frenk lideri ise Minsknı “Ukraina territorial bütünliknıñ eñ yahşı mudafaasınnen” adlandırdı ve “Normand formatnıñ” siyasiy mesleatçilarnıñ kiçik aynıñ 10 körüşüvini tasdıqladı.
Hatırlatamız ki, Ukrainağa ziyaretinden evel Makron Moskvanı ziyaret etti ve anda Rusiye prezidenti Volomir Putin ile körüşüv keçirdi. Olarnıñ aytışmaları on beş saattan ziyade devam ettiler. Ortaq metbuat konferentsiyada Putin beyan etti ki, Ukraina vaziyeti çerçivisinde Frenkistan prezidentinnen teklif etilgen “bir qaç tekliflerini ve ğayyelerini baqmağa azır” ve belki olar “kelecek adimlernıñ esasınnen olacaqlar”.
Rusiye ve Frenkistan prezidentleri qayd ettiler ki, teklifler Makronnıñ Zelenskiynen Kiyevdeki körüşüvden ve Frenkistannıñ NATO ortaqlarınnen, AQŞ ve Ukrainanen kelecek munasibetlernen bağlı olacaqlar.
