QRM, BMT’ge qırımtatar qadınlarğa dair tecavuzı aqqında esabatını yolladı

Анастасія Діденко
·
11:59, 05 Kiçikay
QRM, BMT’ge qırımtatar qadınlarğa dair tecavuzı aqqında esabatını yolladı
Foto menbası: АрміяInform

Qırımtatar Resurs merkezi, “Tamır qırımtatar qadınlar ve qızlarğa dair tecavuzı” esabatını Qadınlarğa dair diskriminatsıyasınıñ yoq etüv kommiteti ve qadınlarğa dair tecavuzı, onıñ sebepleri ve aqibetleri aqqında meseleler boyunca BMT mahsus maruzacı Rim Alsalem hanımı içün azırlağan.

Bunıñ aqqında Qırımtatar Resurs merkeziniñ matbuat hızmeti bildire

“Tamır qırımtatar qadınlar ve qızlarğa dair tecavuzı” esabatı, insan aqları boyunca şurasınıñ 50’ci sessiyasında taqdim etilmek kerek olğan mevzuiy maruzasınıñ tertip etüvi içün alıp berilgen edi. 

Bundan da ğayrı, esabat malümatları qadınlarğa dair diskriminatsıyasınıñ yoq etüv kommitetinen azırlanğan tamır halqlarnıñ sayısından qadınlar ve qızlarnıñ aqları aqqında umumiy tevsiyelerniñ işlep çıqarılmasında qullanışacaqlar. 

Qırımtatar Resurs merkeziniñ başı Eskender Bariyev İçtimaiy Qırım içün tarif etkeni kibi, qadınlar içün eñ büyük ruhiy yarası - taqiqat tevqifhanesinde bulunüan tuvğanlarınen körüşüvde red etüvi ola. 

“Qırımtatar Resurs Merkezi, işğal deviri içinde qadınlar aqlarınıñ bozuluv talilini tertipke ketirip keçirdi. Bundan da ğayrı, 2021 senesi olıp keçken bozuluvlarını kösterdiler. Sistematizatsıya aqqında aytqanda, qadınlarğa dair ruhiy tecavuzınıñ tarqatılüan tarzı, öz aqaylarınen körüşüvinde red etüvine diqqatını celp etmege ister edim. Siyasiy mabuslarnıñ qadınları, qızları, anaları ve ömür arqadaşları olğan qadınlar aqqında aytam. Olarnıñ çoqusı, siyasiy esirinden öz aqaylarını ve oğullarnı serbest etmege tırışqan faal qadınlarıdır”, - dedi qırımtatar halqnıñ Meclis azası. 

Hatırlatayıq, ilk küz aynıñ 3 UBMM matbuat-merkezinde  qadınlarğa dair diskriminatsıyasınıñ bütün şekillerniñ yoq etüvi aqqında şartnameniñ amelge keçirilmesiniñ 40 yıllığına bağışlanğan “Qırım qadınları - işğal qurbanları” matbuat konferentsıyası olıp keçti. 

QRM kommunikatsıyalar meneceri Tatyana Podvornâk qayd etkeni kibi, qırq yıl içinde mesele çezilmegen, işğal etilgen Qırımnıñ rusiye memuriyeti ise - yarımadadaki qadınlar, ayrıca qırımtatar qadınlarğa dair basqılarnı başladı. 

Eskender Bariyev tarif etkeni kibi, rusiye qıvetçileri cinaiy mesuliyetligine üç ıntıluvını yapqanlar (qadınlarnıñ üçü şimdi serbestlikte buluna) ve Qırımdan eki köçüci qadınnı ğıyabiy tevqifi bekley. Daa advokatlarğa basqınıñ eki vaqiası ve bir soyu - qorqutmaq maqsadınen faalniñ tecavuziy tutıp esir etüvi yapılğan. İşğalcılarnıñ qılınuvınıñ eñ qorqunçlı kösterüvi, grajdan faallerniñ 12 ölüvi olğan. Ve o tek Qırım işğaliniñ deviri içinde. 

“Bugünki kününe qadar 122 anası, oğlusız, 67 ömür arqadaşı aqaysız ve 103 qızı babasız qalğan”, - dedi siyasetçi. 

Qadınlar ve qızlarnıñ yüz danesi basqılar ve taqip etüvlerine oğradı. Eñ zayıf soylarından erkek desteginden marum olğan siyasiy mabuslarnıñ aileleri olalar. 

2016 senesi çeçek aynıñ 26’dan qırımtatar halqnıñ Meclisiniñ ekstremist teşkilâtı kibi tanıması ve Qırımda onıñ yasaq etüv qararından soñ Meclisteki dört vekilniñ ve qırımtatarlarnıñ yerli ve vilâyet Meclisiniñ sistemasınıñ 200 ziyade azasınıñ aqqı bozulğan edi.

Eskender Bariyev, 2021 senesine diqqat çekti. 

“Qadınlarğa dair aq bozuluvınıñ 21 vaqianı qayd ettik. Olarnıñ aqayları ne yerde bulunğanlarını añlamaq içün FTH binasına kelgenleri sebebinden olarğa daima cöreme ödeteler. İçtimay faal qadınlarnı telükesizlik aqqında ihtar eteler, ayrıca, qırımtatar medeniyetinen bağlı müim bayramlardan evel”, - qayd etti Qırımtatar Resurs merkeziniñ başı.

2014 senesi Rusiyenen Qırımnıñ işğalinden soñ yarımadada RF içün insanlarnıñ oñaytsız grajdan mevamı sebebinden olarnıñ siyasiy aqlarını qattı tarzda sıñırlamağa başladılar. Böyle basqılarğa faalerniñ yüz danesi oğradı, olarnıñ arasında müim bir yerni tamır qırımtatar halqnıñ qadın vekilleri alalar, qayd eteler QRM’de. 

“Buna köre, Rusiyeden tamır qırımtatar qadınlar ve qızlarğa dair tecavuznı ve diskriminatsıyasını ve Qırımdaki büyün sakinlerniñ taqip etüvini ve Qırımnıñ qanunsız işğalini toqtatmağa talap etemiz”, - denile esabatta. 

Eskender Bariyev tarif etkeni kibi, qadınlar Qırım birdemliginiñ toplavlarında faal sürette iştirak alğanları sebebinden olarnı taqip etmege devam eteler. 

“Diskriminatsıya anleri Ukraina ve tamır halqlarına nefretlik proğagandasınıñ tesirine oğrağan yerli ösmürler arasında körüneler. Buna köre, böyle vaqialar işğal etilgen yarımadasında tarqalmağa devam eteler”, - yekün çekti ukrain qırımtatar siyasetçi. 

Bizni Telegram’da oquñız