Toqtatuvdan soñ Suspilne Qırımnıñ mühbirleri toqtatılğan adamlarnıñ qorantalarınnen bağlanğan edi.

“İlk baar aynıñ 27,  sabada evge bilinmez insnlar keldiler. Ömür arqadaşım qapunı açmaq içün çıqtı, anda ise maskalı “quvetçiler” tura ediler. Olar, ayaqaplarını çıqarmayıp, evmizde kirdiler ve er şeyni videoğa yazmağa başladılar.  Tintüvini bala odadan keçirmege başladılar.  Ömür arqadaşım olarnen anda keçken edi”, - Şaban Ümerovnıñ ömür  arqadaşı, Zarema tintüvnıñ birinci saatlarını hatırladı. 

Şaban Ümerovnıñ üç dane balası ve beş dane torunı bar. “Prokuror” Yevgen Kölpikov Ümerovgha 18,5 qattı rejim koloniyadaki apis cazasını çıqarmağa rica etti.

Zarema Ümerova. Menba: Öleksandra Yefimenko

“Hizb ut-Tahrir” ekinci Aqmescitteki davası iştiraqçilarnıñ sayısı ile eñ miqyas sayıla. Episi apislengen insanlarını RF CQ 205.5 (terroristik teşkilâtında iştiraq) ve 278 (ükümetnı zorbalıqnen zapt etmege ıntılma) maddeleri ile qabaatlaylar. “Mahkemeler” başlağanda,  iştiraqçilarını beşer adam gruppalarına böldiler.

“Qabaatlanğan insanlarnıñ razı olmağanlarına baqmayıp, olarnıñ qabaatları mahkeme ceryanında isbatlandı. Ondan ğayrı, olar rus devlertnıñ siyasetinnen ve mahsus hızmetlernıñ faalitinnen bağlı hoşnutsızlığını bildirtken ediler”, - Kölpikov beyan etti.

2019 senenin çiçek aynıñ 16-17 gecesi Raim Ayvazov "Kalançak" KÇNN rus sınırnıñ keçkende toqtatılğan edi. 12 saat devamında onıñ aqqında haberler yoq edi. Künnin ekinci qısımına Raim Ayvazovnıñ doğmuş qız qardaşınnen bağlandı ve haber etti ki, o “FTH hadimlerinnen” toqtatılğan edi ve Franko bulvarında buluna. 

2019 senesi çiçek aynıñ 18 Aqmescit şeyernıñ işğal Kiyev rayon mahkemesi Raim Ayvazovğa qorucılıq astında bulunma öñleyci tedbirini seçip aldı. Mahkemede Raimnıñ advokatı Marіâ Eysmon azaplar aqqında beyan etti. Devlet qabaatluvcı Raim Ayvazovğv 18 yıl ve 3 ayl apis cezasını çıqarmağa rica etti.

“Kerçekten, Raim Ayvazov ne yaptı? Deşifrege köre, eñ çoq şeylerini anda “M” arifnen qayd etilgen insanlar aytqan ediler. Bu insanlar klasik felsefiy aqımlarını muzakere ediler.  Birisi felsefiy meselesini ayta,  başqaları muzakere qoşulalar.  Bunı evelsi şahsiy inkişaf treninglerine muzakere ete ediler. Musulmanin sözını “insan” ya da ““Koka-kola” firmanıñ hadimi” sözlerine deniştirsek, bir şey denişmez.  Olar, evelsi kibi,  felsefiy ikâyelerini muzakere etecekler”, - bunı advokat Mariya Eysmont,  Ayvazovnı mahkemede qoçalağanda aytqan di. 

Raim Ayvazov mahkemede. Menba: Öleksandra Yefimenko

Grajdan jurnalistine Remzi Bekirovğa “prokuror”  qattı rejim koloniyada 18 yıllıq apis cezasını çıqarmağa talap etti. 

Grajdan uquq qorucısına  Riza İzetovğa qabaatluv tarafı qattı rejim koloniyada 18,5 yıllıq apis cezasını çıqarmağa talap etti. 

Qırımtatar faaline Farhod Bazarovğa “prokuror”  qattı rejim koloniyada 16 yıllıq apis cezasını çıqarmağa talap etti. 

“Bu insanlarnıñ bu devletnıñ sistemasında tek bir qabaatları bar - olar öz fikirlerini qorçalağan ediler, faal areket ete ediler, körüşip, devletteki siyasiy vaziyetini, musulmanlarnıñ, qırımtatarlarnıñ taqıplerini, muzake ete ediler. Bu - olarnıñ qabaatlarıdır. Bu sebepten, olarnı terroristlernen adlandırıp, bu sebepten olarnı 16-18 apislemege isteyler. Rusiyede ölduruv sebebinden böyle ceza çıqarılmay”, - öz fikirini advokat Emil Kürbedinov bildirtti. 

O qayd etti ki,  “prokuror” beş insanğa umumen 90 yıllıq apis cezasını çıqarmağa talap ete.  Lâkin bu insanlarnıñ terrorist areketlerini öyle de isbatlamağa olmadılar. Ne patlav aletlerini, ne de silâlarını tapmadılar.

Şimdiki vaqıtında bu davanıñ iştiraqçiları endi üçünci yıl devamında apishanede bulunalar.