The Sun “qaçılmaz cenk” aqqında haber etti ve rus ucumnıñ taze haritasınnen paylaştı. Oña köre, “Rusiye Ukrainağa kelecek on künnin devamında ucumlanmağa ola bile”. 

“Talilçiler aytalar ki,  Putin kelecek on kün devamında Ukrainağa ucumlanmağa ola bile. Belki devlet merkezinde yaşağan üç million ealine ucum etilecek”, - haberde aytıla.

Neşirde yazıla ki, Büyük Britaniyanıñ prekmyer naziri Boris Conson beyan etti ki,  “Ukraina sınırlarında 60 rus cenkâver gruppaları bulunalar”, Kiyevnı ğayıp etmege olğan “yıldırım planını” ise er kez bile. 

“Yoldaş resimlerde körüne ki,  sınır boyu biñler askerler ve arbiy tehnika buluna.  Putin komandanlığı şiddetli qış suvuqlarını bekley. Topraq buzlasa,  ucumını başlamağa ola bileler. Keçken gecesi Ukrainada ava arareti -8°C tuştı”, - ava tahminnen kelişip, The Sun haber ete.

Haritada körüne ki,  Rusiye prezidentnıñ Volodimir Putinnıñ orduları işğal etilgen Qırımnıñ tarafından Ukrainanıñ cenübine kirmege ola bileler.

“Bu deşir vaziyet,  men oñı aslında  köz ögüne ketirmek de istemeyim. Ümüt etemiz ki, ucum başlanmaycaq, çünki başlansa - balaban cenk olacaq”, - Zelenskiy “Fokus” neşirine berilgen intervyüsına malümat berdi. 

Ukrain lidernıñ fikirine köre, rus eskalatsiyası Rusiyenen bağlı insanlar yaşağan territoriyalarda olacaq.

“Rusiyege sebep kerek: rus easlini qurtarmaq içün keldiler, aytacaqlar.  İşğaldan ve Qırımnıñ anneksiyadan soñ añlamağa başlaymız, bunıñ imkânı bar. Lâkin bu balaban şeyerler, bu sebepten ne yapmağa isteyler haberim yoq”, - ayttı. 

Ukraina prezidenti qoştı ki,  bu işğal degil,  bu miqyayıs cenknıñ başlanması.

Qırımtatar milliy Meclisnıñ baş muavini Ahtem Çiygoz  Suspilne Qırımğa haber etti ki, RF imkânı olğan ucumdan soñ Qırımnıñ qısmeti nasıl olacaq.

“Halq sekiz yıl devamında esarette bulunıp, işğalinı qabul etmey ve qarşılıq etmege tırışa… Bu işğalcilerini açuvlandırta, o areket etmek içün uyğun vaqıtını bekley.

Men bellesem,  bu 2014 senesi olğan kibi  kerçek bediy  çaypav olacaq. O zamanca ınqılâp  uyğunlıqnıñ qaydeleri çalışa ediler.  O zamandaki ükümetnıñ elleri açıq ediler, bu sebepten  cinayetlernıñ, insanlarnıñ zorbalıqnen ğayıp etüvlernıñ ve öldurmelernıñ sayısını aytmağa qıyın”, - Ukraina milliy mabusı ayttı.

Daa o qoştı ki,  işğal etilgen Qırımnıñ ükümeti - bu cinayet gruppasıdır, onıñ yapqan cinayetlerini tasavur etmege qıyın.

RF Şimaliy arbiy ortalığına, qayda işğal etilgen Qırım kire, birliklernıñ ve arbiy qısımlarnnı teşkerüvi başlandı. Anda 6 binden ziyade rus askerleri iştiraq eteler.

“Doğrusını aytsam, bu teşkerüvler evelsi de keçirilgen ediler.  Şimdiki vaqıtında - bu cenkâver areketlerge azırluvdır.  Mında artqaç hayallar kerekmey, olar oynamaylar. Bunı ucum ameliyatqa azırluv çerçevisinde qıymet kesemege kerek”, - milliy telükesizlik suallerden ekspert Mihaylo Gonçar ayttı.

Ahtem Çiygoz qayd etti ki,  Qırımnı turistler içün uyğun territoriyasını yapmaq zapt etmediler.

“Zapt etüvnıñ birinci kününden RF anda mahsus nasip zonasını yaptı ve bütün Avropanı şantaj etmege başladı. Bilemiz ki,  Qırımnıñ territoriyasından Suriyege ucum etilgen edi, Qara deñıznıñ büyük qısımı zapt etilgen edi, Azaq deñızı nezaret astında aldılar.

Qırımnıñ tarafından qıta Ukraina qısımına tecavuzını utopiyanen saymaq kerek degil.  Duşman Qaradeñız-Azaq regionda buluna, bu sebepten cemiyetke ükümet tarafından meseleni çizmege ıntılmalarını köstertmege kerek. Men bellesem, bu fevquvle vaziyettır ve ükümetke bunı faal şekilde añlatmağa tırışam”, - Bağçasaraydaki regional Meclisnıñ başı ayttı.

Daa o diqqat etti ki,  prezidentnıñ yaqın ortalığına duşmannen yaqın munasibetlerine olğan insanlar kireler. 

“Belki de Putin öz cinayet taqımınnen Ukrainağa tesirlerini saqlmağa tırışlar ve devletimiz içün hoşsuz kerçeklerine basım etmege devam eteler”, - Ahtem Çiygoz ayttı. 

Teşkerüv planına köre, birliklernıñ ve arbiy qısımlarnıñ sıraları qoşulğan  usullar ile umumiy poligonlarğa marşlarını başladı. Olar daimiy yerleştirüv yerinden uzaq, bu sebepten oquv-cenkâver vazifelerini yerine ketirmek içün olarnı areket etmege kerek.

Mihaylo Gonçar qayd etti ki,  Rusiye ile vaziyeti kerginleşse, böyle sanktsiyalarını qabul etmege ola bilecekler.

“Tez deokkupatsiyanı keçirmege tevsiye etmeyim.  İşğalci özü qattı sanktsiyalarğa oğracaq.  Belki işğal etilgen Qırımda areket etken gemilerine AB devletlerine kirmege yasaq etilecek. Olar bayrağını deniştirseler de,  deñız liman yazuvı episi bir qalacaq”, - ekspert ayttı.