“Şimdiki vaqıtında Ukrainağa baş strategik arbiy-siyasiy vazifesi berile. Almaniya bizge olduruv silâlarını bermege aşıqmay, şu zamanda Büyük Britaniya ameliy adimlerini yapa”, - Dmitro Snegiröv ayttı.

Şimdiki vaqıtında Britaniya Kiyevdeki yelçihanenıñ hadimlernıñ qısımını tahliye etmege başladı. Tış işler Nazirligine ifadelediler ki,  Kiyevdeki Britaniya yelçihanesi “asıq qala ve kerekli işini yapmağa devam ete”.

Dmitro Snegiröv fikirine köre,  Büyük Britaniya Rusiyege kösterte ki,  imkânı olğan ucum aqqında haberlerini Ğarp kerçek ile qıymet ete.

“Bunı RF arbiy-siyasiy basımnıñ qısımı ile baqmağa kerek. Büyük Britaniya Rusiyege añlatmağa tırışa ki, olar eskalatsiya imkânını baqalar, çünki kerginliknıñ derecesi endi kritik oldı. Demek,  bu tahliyenı panika işareti ile baqmağa keregi yoq, bu Ukrainağa imdatnıñ usulıdır. Büyük Britaniya Rusiye Federatsiyağa imkânı olğan ucum aqqında haberlerini Ğarp kerçek ile qıymet ete ve kerçek sayya”, - qayd etti.

Büyük Britaniyanıñ Tış işler naziri Liz Trass Birleşken Qırallıq, Lehistan ve Ukraina arasında üç taraflı birliknı yaratmağa imkânını baqqa. Britaniya geosiyasiy haritanı taqdim etti,  anda London, Varşava ve Kiyev arasında üç taraflı köçer qayd etildi. Duşman territoriyalar ile Rusiye Federatsiyanı ve Belorusiyenı qayd ettiler.

Bunı Büyük Britaniyanıñ geostrategiya Şurası öz Twitter saifesinde haber etti.

Loui İnstitunda çıqıp, Tran beyan etti ki,  Büyük Britaniya Ukrainanen ve Lehistannen ortalığını qaviyleştirmege niyet ete.

“Kreml tarih derslerini añlamadı.  Olar, territoriyanı etnik ve til alametleri ile bölüp, Şuraviy Birligini ğayrıdan tiklemege ya da “Büyük Rusiyenı” yaratmağa tırışalar. Olar beyan etele ki,  stabilligini isteyler, şu zamanda qorquzmağa ve vaziyetini bozmağa tırışalar”, - beyan etti.

Geostrategiya Şurası - bu mustaqıl ticariy olmağan teşkilât, o Vestminsterde yerleşken. O quvetli Büyük Britaniyanı inkişaf etmege,  ortaqlarnen işbirlikte sıq-sıq çalışıp,  halqara nizamını saqlamağa ve telükesizlik kelecegini yaratmağa tırışa.

Yanvar aynıñ 23 Britaniya TİN mashus hızmetlernen açılğan RF planını aydınlattı. Oña köre, RF ükümetini deniştirmege tırışa edi. 

Anda beyan ettiler ki, tapılğan malümatlarına köre,  Rusiye Ukrainada öz ortağını  reber vazifesine nasip etmege istey, çünki Ukrainağa ucumnıñ ve işğalnıñ imkânını baqqa. 

Birleşken Qırallıqnıñ ükümeti beyan ete ki,  RF planına köre, ükümetnıñ başınnen bizim sabiq milliy mebusımız,  “NAŞ” adlı teşviqat telekanalnıñ saibi Yevgen Muravyev olmağa mecbur edi. 

“Angliya Ukrainanı öz arbiy-siyasiy ortağı ile qımet ete, Ukraina Silâlı Quvetlernıñ silâlaştıruvına ayrı diqqat ete. Ğarpiy devletler daima rus cenkâver askerleşüvnıñ  ögüni almağa tırışalar ve bu maqsadnen ameliy areketlerini yapalar”, - arbiy ekspert ayttı. 

Dmitro Snegiröv qoştı ki,  Ukrainada, Berdânsk ve Oçakov şeyerlerine eki dane deñız-arbiy bazalarnıñ qarmasına keçtiler. Bunı tesadufiy olaraq yapmadılar.  Eki bazası Büyük Britaniyanıñ Birleşken Qırıllıqnen ve Şimaliy İrlandiyanen olğan aytışmalarnıñ çerçivisinde bulunalar. 

“Birleşken Qırallığını başqa tış ortaqlarnen qıyaslasaq,  Büyük Britaniya Ukraina Silâlı Quvetlernıñ silâlaştıruvına iştiraq ete ve kerçek adimlerini yapa”, - faal ayttı.