Bunıñ aqqında o, Ukraina prezidenti Vladimir Zelenskiynen Kiyevdeki körüşüvi vaqtında ilân etti. 

AQŞ, Rusiye ülkege ücüm etüv planlarını bir qaç sefer red etkenine baqmadan, telükesizlik saasında Ukrainağa yardımını quvetleştirmege vade ettiler.

Cuma künü Entoni Blinken  Berlindeki avropalı ittifaqdaşlarınen müzakerelerinden soñ öz rusiye işdeşinen Jenevada körüşecek.

Kiyevge ziyaretinden evel devlet departamentiniñ yuqarı memurları Rusiye tışqı işler naziri Sergey Lavrovğa “diplomatik turağınıñ” variantı teklif etilebilgenini qayd ettiler. 

Evelden Rusiye,  ayrıca, Ukraina NATO’ğa iç bir vaqıt kirmesiñ ve mudafaa Alyansınıñ arbiy faaliyeti Poloniyanen beraber aza-ülkelerinde sıñırlansıñ dep ğarbiy akimiyetlerine talaplarnıñ sırasını taqdim etken.

Ğarp ve Rusiye arasında  keçken aftadaki müzakereler muvafaqiyetke irişip olamadılar ve bazı talaplar red etilgen edi. 

“Bunı diplomatik ve tınç yolunda devam etebilecegimizge ümüt etem, amma neticede o, prezident Putinniñ qararı olacaq”, - dedi Entoni Blinken Kiyevdeki jurnalistlerine. 

Çarşenbe künü Rusiye tışqı işler nazir muavini Sergey Râbkov ilân etkeni kibi, AQŞ Moskvanı ukraina sıñırlarından öz arbiylerni çekmege mecbur etip olamaylar.

“Olar bizim territoriyamızda bulunalar ve tışqı basqısı sebebinden olarnıñ areketini deñiştirmeycegimiz”, - dedi o.

Bunıñ yerine o, Vaşingtonnı, onıñ sözlerine köre, Rusiyeniñ telükesi içün doğru havfını ketirgen Ukrainağa arbiy destegini toqtatmağa çağırdı.  

Rusiye, ücüm etmege planlaştırmağanını ilân etkenine baqmadan, Ukrainanıñ sıñırları yanında kerginlik yüksek olıp qala - rusiye arbiyleri qomşu Aqrusiyede umumiy arbiy oqutuvlar içün yerleştirgenler. 

Hatırlatayıq ki, Rusiye ve Aqrusiye uvut aynıñ 10’dan 20 kününe qadar umumiy arbiy oqutuvlarnı keçirecekler. Olarnıñ adı - “İttifaq azimkârlığı - 2022”.

Sergey Lavrov AQŞ’nı Rusiye, Ukrainada arbiy ameliyatı içün sebebini azırlağanı aqqında haberi “sahte malümatı” olğanı aqqında bildirdi. 

Kiyevge çarşenbe künü Blinkenniñ ziyareti, Berlinde nemse, frenk ve britaniyalı işdeşlerinen müzakereler ögünde “Ukrainanıñ suverenitetine ve territorial bütünligine Qoşma Ştatlarnıñ sadıqlığını pekitmege” ıntıluvı olaraq tasvir etilgen edi.

Moskvanı salı künü ziyaret etken Almaniya tışqı işler naziri Annalena Berbok ihtar etkeni kibi, er bir kelecek arbiy kerginleşüvi, “rusiye rejimi içün iqtisadiy, siyasiy ve strategik saasında büyük masraflarına ketirebile”. 

Öz nevbette Ukraina mudafaa naziri Aleksey Reznikov, ğarbiy ükümetlerni Moskvağa qarşı sanktsıyalarnı deral kirsetmege çağırdı. 

BBC’deki HardTalk programmasında çıqışta bulunıp ülkege Rusiyeniñ kirüvi, qan aquvına ve Avropada qaçaqlar buhranına ketirebile.

Ukraina tışqı işler naziri Dmitriy Kuleba, şimdiki zor devrini lâyıq keçmek içün Ukraina şimdi pek küçlü, ukrainler ise - eñ esası, telâş tarqatıp  vaziyetini içinden yıqmağa Kremlniñ ıntıluvlarına teslim olmamaq kerek olğanında öz eminligini bildirdi. 

Bunıñ aqqında o, Kiyevde AQŞ devlet kâtibi Entoni Blinkennen umumiy matbuat konferentsıyası vaqtında aytqan. 

Dmitriy Kuleba qayd etkeni kibi, şimdi Ukrainanıñ vaziyeti rusiye tecavuzınıñ başlanuvından daa yahşı.

“Bugün Ukraina pek küçlü. Ordumız, diplomatiyamıx, ortaqlarımız da pek küçlü. Rusiye Federatsıyasınıñ tecavuziy niyetlerinen bağlı bütün telükelerni añlağanımızğa baqmadan, özümiz emin olıp tarihımıznıñ bu zor vaqıtnı da keçmege qabiliyetimizge işanmaq kerekmiz. Öyle olacağında iç te şübelenmeyim”, - dedi o.

Nazir daa şunı qoştı ki, bugün Rusiyeniñ eñ büyük yararlığı - ukrain cemiyetinde telâş ve ümütsizliginiñ tarqatuvı ve Ukrainanı içinden, birinciden - iqtisadiyat ve maliyeviy sistemasınıñ yıqtıruvı olacaq.

“Rusiyege öz maqsadına irişmege izin bermemek içün elimizden kelgenini yapmaq ketekmiz… Quvetlerimizniñ episi, ülkemizdeki vaziyeti turğun qalsıñ, maliyeviy sisteması quvetligi saqlasıñ, ukrain iqtisadiyatı telükesizlik saasında olayatqan meselelerinden zarar körmesiñ dep yöneliş tuta”, - ilân etti  Dmitriy Kuleba.