Bunıñ aqqında Minskte Rusiye elçisi Boris Grizlov TASS intervyüsinde bildirdi.

Rusiye TASS agentligi yazğanı kibi, Aqrusiyede Rusiye elçisi Boris Grizlov ilân etkeni kibi, oqutuvlar bitken soñ endi Rusiye territoriyasında ötkerilecek olğan “İttifaq qalqanı - 2023” adlı yañı soylarına azırlığı başlanacaq.

Siyasetçi Mihail Gonçar İçtimaiy Qırımğa tarif etkeni kibi, oqutuvnıñ böyle areketlerniñ em qızıştırıcı tabiatı olabile, em de olarnı şimaliy tarafından ücüm etüvi içün örtüvi olaraq qullanabileler.

“O, adiy bir qızıştıruv degil. Rusiye, nazariye aqqında laf etip ameliyatqa keçmegen Ğarp tarafından verbal tabiatlı zayıf cevabını köre. Şimdi RF, qızıştırıcı vaziyetini yaratıp AB ve NATO cevabını is etmege tırışa. Qırımğa baqsaq, rusiye areketlerine NATO’nıñ keç olğan cevabını körebilemiz. Şimdi yarımada bütünle askeriyleştirile. Rusiye propagandası susa, çünki olarnıñ sözlerine köre, episi bu olarnıñ territoriyalarında oluna”, - dedi o.

Aqrusiye telükesizlik şurasınıñ devlet kâtibi Aleksandr Volfoviçniñ sözlerine köre, Şuralar devletteki cevap berüv quvetlerniñ teşkerüviniñ ilk deviriniñ çerçivelerinde rusiye quvetler ve vastalarnıñ qısmı endi Aqrusiyede buluna. Umumiy oqutuvlar içinde esas diqqatı, arbiy idaresiniñ teşkil etüvine ayırılacağını dep qoşqan. 

“Şuralar devletteki cevap berüv quvetlerniñ  qayd  etilgen teşkerüv fikrine köre, Aqrusiye Cumhuriyetiniñ territoriyasına Rusiye Federatsıyasınıñ silâlı quvetlerniñ terkibinden bölükleri kelmege başladı”, - denile beyanatta.

Qayd etile ki, teşkerüv apansız olğanına köre, arbiylerniñ kelüvi bütün ilk devri içinde olunacaq.

“Şimdiki devirinde teşkerüvniñ iştirakçıları boşatuvını yapıp vazifelerniñ eda etüv rayonına yol tutmaq kerekler”, - denile beyanatta.

Rusiye KHV malümatına köre, bu arbiy oqutuvlar uvut aynıñ 10’dan 20 kününe qadar sürecekler. 

Devlet dumasınıñ vekili Vâçeslav Volodin ilân etkeni kibi, NATO, Ukrainanı işğal etmege tırışa ve ukrain territoriyasına quvetlerniñ kirsetüvine malümat azırlığını keçire.

“Mesleatçılatı endi anda, talimat bericiler de anda, şimdi ise arbiylerniñ kirsetüvini nasıl isbatlamaq dep tüşüneler. Başqaca aytsaq, NATO, Ukrainanı işğal etmege istey”, - dedi Volodin. 

Onıñ fikrine köre, soñki aylar içinde amerikalı kongressmenleri ve Devlet departamentiniñ vekilleri Rusiyeniñ olabilgen kelecek ücüm etüvinen bütün dünyanı qorqutalar.

“Vaşington, öz ekspansiyasını ve rusiye sıñırlarına NATO arbiylerniñ keçüvini aqlamağa tırışa”, - dep tüşüne Devlet dumasınıñ memurı. Daa şunı qoştı ki, bu sebepten telükesizlik kefaletlerine dair müzakeresini keçirmege pek müim. 

Milliy telükeszlik meseleler eksperti Mihail Gonçar bunı şuralar rusiye propagandasınıñ vaqıtlarına has olğan usulı dep saya. 

“Şunı hatırlamaq kerek ki, 1979 senesi Afğanistanğa şuralar arbiylerniñ kirsetilmesinden evel Afğanistannı platsdarmına çevirilip Şuralar Birligine ve Cenübiy Asiyasına telüke yaratmaq içün AQŞ oña öz arbiylerni kirsetmege azır olğanları aqqında malümatnıñ kütleviy tarqatıluvı olğan edi. Keççe belli olğanı kibi, Qoşma Ştatlarnıñ böyle planları olmağan edi. 

Qırımnıñ deokupatsıyası ögüne devrini hatırlayıq. Uzun vaqıt içinde rusiye propagandacıları iddia etkenleri kibi, Aqyarda şahsiy arbiy bazasınıñ teşkil etilmesi aqqında NATO’nıñ ğayesi bar. Qırımnıñ işğalinden soñ Putin, onıñ yardımı olmasa, Qırım Rusiyege qoşulmasa edi Aqyarda NATO bazası peyda olur edi. Sahte malümatnı paylaşıp aynı stenariyni bugün de tekrarlamağa tırışalar”, - inandırdı ekspert. 

Şunı qoştı ki, birinciden, rusiye seyircilerine atıfı oluna. 

“RF, Ulraina tertitorisayında endi bulunğan NATO tarafından tecavuzınıñ telükesi ögünde bulunalar dep tarzını yaratmağa tırışa. Psihoznıñ arttıruvı oluna”, - qayd etti siyasetçi Mihail Gonçar.