Rusiye Ukrainağa ucumlanmq içün sebebini qalp etmege ola bile - AQŞ istihbaratı

Анастасія Діденко
·
11:12, 15 Qaraqışay
Rusiye Ukrainağa ucumlanmq içün sebebini qalp etmege ola bile - AQŞ istihbaratı
Foto menbası: АР

Rusiye Ukrainağa ucumlanmq içün sebebini qalp etmege tırışa. O malümat operatsiyalar ve diversiya areketler ile Ukrainanı devletnıñ şarqında rus ordularına ucumnıñ azırluvına qabaatlamağa niyet ete. 

Bunı Beyaz Evde olğan brifing devamında, AQŞ prezidentnıñ milliy telükesizlik suallerden muavini Ceyk Sallіvan, istihbaratnıñ malümatlarına bağlanıp, beyan etti.

Sallivan aytqanına köre, Birleşken Ştatlar “episi bir cevap bermege azır”. Lâkin şu zamanda Baydennıñ mesleatçisı qayd etti ki,  AQŞ şimdiki vaqıtında Rusiyenıñ Ukrainağa qarşı cenkâver tecavuzını azırlığanını tasdıqlamağa olmay. 

“Añlamaq kerek ki, şimdiki vaqıtında olğan ucumnıñ ya da imkânı olğan ucumnıñ isbatları yoq. O endi 2014 senesi keçti ve bu vaqıtınace devam ete. Biz tek devamlı eskalatsiyanı ve tecavuz derecenıñ köterüvini muzakere etemiz.  Yañı ucum aqqında malümatlar yoq”, - Suspilne Qırımğa Qırdaki Ukrainler Ülke Şuranıñ  vekili Sergіy Mokrenük ayttı.

AQŞ haber ettiler ki, rus askerler taqımı şeyer şartlarına cenkâver areketlerini keçirmege  ve patlav maddelernen qullanmağa ögrendiler. Bunıñ isbatları bar. Olar qoştılar ki, "L/DMC" askerlerine qarşı diversiyalarını keçirmege ola bileler.

“Bizim nazar noqtamız ve niyetlerimiz böyle. Eger rus askerleri, territoriyanı zapt etmege niyetinnen ukrain sınırını bozsalar,  bu Ukrainağ ucum ile sayılacaq. Elbette, Qoşulğan Ştatlar ve halqara cemiyet böyle areketlerge cevap berecek”, - Sallivan ayttı.

AQŞ prezidentnıñ mesleatçisı beyan etti ki, AQŞ buhrannıñ diplomatik çizüvine ümüt eteler, lâkin Rusiyenıñ tecavuzı inkişaf etilse, olar cevap etmege azırlar.

Arbiy ekspert Öleksandr Musіenko fikirine köre, diplomatik usul öz faydasını tasdıqlağan edi.

“Şimdiki vaqıtında ukrain tış siyasetnıñ ğayretlerini bazı usullarnıñ taminlevine yollamaq kerek. Birincisı - ortaqlarmızğa Ukrainanıñ küçlü ortaq olğanını köstertmege . Ukrainanı quvetleştirmek içün , AQŞ ve başqa NATO devlet-azalarınnen ortaq silâ imalatınıbaşlamaq kerek.  Ondan ğayrı Rusiyege qarşı öñleyci sanktsiyalarını qayd etmege ve daimiy siyasiy ve diplomatik basımını quvetleştirmek kerek”, - ekspert Suspilne Qırımğa ayttı.

O qoştı ki,  Rusiye tarafından qorquzmalar  daa de radikal olalar.

“Bu Putinnıñ miqyayıs areketlerine azır olmağanını isbatlay. O AQŞ reaktsiyasını diqqatnen nezaret etmege devam ete”, - Müsiyenko ayttı.

Ukraina prezidenti Volodimir Zelenskiy  AQŞ prezidentine  Co Baydenge rus prezidenti Volodimir Putin iştirağı ile üç taraflı muzakerenı keçirmege teklif etti. 

Bunı yanvar aynıñ 14 PO başı Andriy Yermak Atlantic Council çıqışına haber etti.

Ukraina PO aytqanına köre,  amerikalı taraf “bu teklifini meraqnen qayd etti”, lâkin Kiyev daa Rusiye reaktsiyasına bekley.

Sergіy Mokrenük ayttı ki, Ukrainanıñ esas maqsadı - grajdanlarmıznıñ ve olarnıñ meraqlarnıñ qorçaluvıdır. 

“Biz ortaqlarmızğa ümüt etmge mecburmız.  Birinciden, bu AQŞ,  çünki olar Ukrainanıñ NATO integratsiya yoluna Ukrainağa imdat bildirteler. Biz özümiz çalışıp,  qabiliyetlermizını taqdim etip, daa de çoq imdat ve yardım qazanmağa mecburmız”, - ayttı.

Uquqçi qoştı ki, şimdiki vaqıtında Ukrainada qalp rus malümatlarını tarqatmağa tırışalar.

“Er yıl bizim uquq qoruci organlarımız terroristik ve divesion aktlarnıñ telükenıñ ögüni alalar. Bu malümatlar açıq irişimde de bar.  Rusiye devletmizde er vaqıt diversiyalarını keçire. Yañımızda havflı qomşumız bar, devletmizde olarnıñ  ğayretlerini toqtatmaq içün  fizim faaliyetimiz faydalı olmağa mecbur”, - Sergіy Mokrenük beyan etti.

Bu afta aytışmalarnıñ üç raundı keçti, olar Rusiyenıñ areketlerine ve avropalı telükesizligine bağışlanğan ediler: eki taraflı amerikalı-rus aytışmalar, NATO-Rusiye çerçivisinde körüşüv ve ATOT aytışmaları. Neticeleri aqqında haber etilmedi. 

Moskva ve Vaşington aytışmalar devamında avropalı telükesizlik suallerine öz “esaslı” farqlarını tasdıqladılar.

Moskva tanklarını, toplarını, Ukraina sınırnıñ yanında 100 bin askerlerini topladı, bu sebepten Ğarp ve Kiyev Rusiye tarafından yañı ucum azırluvı sebebinden raatsızlanalar. Şu zamanda körüşüvler keçirildiler.

“Añlamağa kerek ki, cenk çeşittaraflıdır. Rusiye öz faaliyetini klasik arbiy areketlernen: tanklarnen, toplarnen ve başqalarınnen sınırlamaz.   Elbette,  cenk devamında kiberucumlar, teraktlar,  içki vaziyetnıñ destabilizayası ve başqa arektler yapılacaqlar. RF taraftan telükelerge qarşılıq etmege azır olmaq kerek”, - Öleksandr Musіenko ayttı.