Buni Ukraina jurnalistlerniñ Milliy birlikniñ başi Sergiy Tomilenko “Grajdan jurnalistlerniñ muimligi” fotoserginiñ açiluvina haber etti.

Aytqanina köre, halqara cemiet içün olarniñ jurnalist statusini tasdiklamağa pek muimdir, çünki işğalcilar terrorist qiyafetini yaratmağa tirişalar.

“Şimdiki vaqitinda, uquq qorucilarniñ malümatlarina köre, işğal etilgen Qirimda 12 dane jurnalist apislengen. Olar arasinda 10 danesi - grajdan jurnalistleri.  Amet Suleymanov zenaatdaşimiz ev apisi astinda buluna. Biz apishanelerde bulunğan Oleksiy Bessarabov ve Vladislav Esipenko aqqinda malümat beremiz ve olarniñ jurnalist statuslarini tasdiqlaymiz”, - Sergiy Tomilenko aytti.

Jurnalistler birligi apislengen zenaatdaşlarini deral azat etmege talap eteler.

“Mustaqil zenaat jurnalistika çoq qiyinciqlar çeke.  Aqiqatini aytmağa tarişqan jurnaslistler halq duşmanlarinnen sayilalar.  2014 seneden, yani Qirimniñ vaqitace işğalnden  grajdan jurnalistikaniñ inkişafi başlandi. Bu unikal canli fenomen”, - Tomilenko aytti.

2017 senesi, kiçik ayinda Aqmescitte kütleviy tintüvler keçirilgen ediler. O zamanda içtimaiy ağlarda canli yayini alip barğan 10 grajdan faalini toqtattilar. Olar arasinda 5 dane jurnalist edi.  Memuriy toqtatuvdan soñ  qirimtatarlar olarni qaramanlar ile qarşilağan ediler.

Uquq qoruci  ve apislengen grajdan jurnalistniñ Seyran Salievniñ omür arqadaşi Mumine Salieva qayd etti ki, grajdan jurnalistlerniñ faalietleri - bu olarniñ missiyalaridir. Olar kerçegini yalandan ayirmaq tirişalar.

Jurnalistikaniñ zemaneviy zamanlarda muimligini añlattirmaq içün, Salieva halqara zenaatdaşniñ misalini ketirdi.

“Men dünyaniñ tam üregine tiymege istedim,  bu sebepten jurnalist oldim. Men buni yapmağa olacam mi - aytmağa qiyin, amma Qirimda öz faalietlerini devam etkenler bizim halqimizniñ üregine tiydiler. Kerçek tarafina turmasi - bu tiraniya ve ırqçılıqqa qarşiliqdir”, - jurnalist tarifledi.

Ukraina prezidentniñ Qirim Muhtar cumhurietinde daimiy vekili Anton Korineviç haber etti ki, şimdiki vaqitinda işğal etilgen territoriyada söz azatliq vazieti kritik olğan.

“Eylik ğalebe qazanmaq mecbur. RF vaqitace işğal etilgen Qirimda zenaat jurnalistikani toqtatmağa tirişa, yarimadada aslinda söz azatliği qalmadi. Yayinğa tek muhteriklik, manipulâtsiyalar ve  qalp etilgen haberler çiqalar. Bu muim vazifeni, yani cemietke kerçek malümatlarniñ berüvini, grajdan jurnalistler yapmağa başladilar. Olarniñ zenaat bilgileri ve adetleri olmasa edi de, olar episi Rusie işğali astinda Qirimniñ kerçegini kostertmege tirişa ediler”– Korineviç aytti.

O qoşti ki, işğal etilgen Qirimniñ territoriyasinda qanunsiz apislengen adamlar mitlaqa azat etilecekler ve öz qorantalarina qaytacaqlar.

Hatirlatmaq isteymiz ki, 2021 senesi  araliq ayniñ 16 Ukraina Yuqari Şurasi  № 6104 qanunleyhasini birinci oquşlarda qabul etti. Oña köre, RF tecavuzi sebepten zarar korgen insanlarniñ ve olarniñ qorantalarniñ içtimaiy ve uquq mudafaa aqlari bar. 

“Umüt etemiz ki, 2022 seneniñ başina bu qanun faal şekilde çalişmağa başlaycaq, çünki biz  vatandaşlarmizğa yardim etmege mecburmiz. Bu olğan vazietke devlet tarafinlan doğru cevap olacaq”, - Korineviç aytti.