Bunıñ aqqında Bloomberg bildire. 

Ukraina milliy telükesizlik ve mudafaa şurasınıñ malümatlarına köre, sıñırdan 200 kilometr mesafesinde Rusiyeniñ 122 000 arbiy hızmetçisi bar.

Mudafaa-istihbarat Janes kompaniyasınıñ malümatlarına köre, yoldaş resimlerde qasım ayından Ukrainanıñ yanında sıñırdaki rayonlarına tanklar, artilleriya ve avağa qarşı mudafaa sistemalarnı yerleştirgenleri körüne.

«Rusiye, olarnı trenler ya da uçaqlar ile büyük açılmasınıñ yardımı ile gizli ve tez tarzda quvetleştirebile”, - denile beyanatta. 

RF ve Ukrainanen sıñırında vaziyeti, soñki aylar içinde tez sürette faalleştirilgen. AQŞ ve Ğarpnıñ başqa vekilleri bunda arbiy tehnikasını Ukraina sıñırlarına celp etken rusiye akimiyetini qabaatlaylar. 

“Quvetlerniñ zümreleşmesi - muhalifni eñ çoq çekinmek içün kerek olğan quvetiniñ kösterilmesidir. Onı qullanmağa qatiy azırlığı aqqında manasına kelmey”, - qayd etti Rusiye prezidentliginde halq hocalığı ve devlet idaresi Rusiye akademiyasınıñ halqara telükesizligi boyunca eksperti Nataliya Haritonova. 

Daa Bloombergde qayd etkenleri kibi, AQŞ “uquqiy tarzda vacip olğan telükesizlik kefaletler aqqında Rusiye talaplarına dair müzakerelerni keçirmege azır olğanda Kreml, istegen qısmını endi alğan. Bu añlaşmalar Şimaliy atlantik añlaşmasınıñ teşkilâtına ileride şarqqa tarqatılmağa  ve Ukrainağa azalığını almağa izin bermez ediler.

“Ücüm aqqında Putinnen qabul etilgen soñki qararı aqqında haberimiz yoq. Amma o, bunı qısqa müddet içinde yapmaq içün arbiy qabiliyetini çeke. Buna köre, niyetler ve müddetlerniñ belli olmağanına baqmadan, er bir beklenilmegen vaziyetlerine azır olmaq kerekmiz”, - ilân etti AQŞ devlet kâtibi Entoni Blinken, Rigada NATO Ülkelerniñ TİN başlarınıñ körüşüvinden soñ.

Hatırlatamız ki, öz areketlerni Kreml, Ukraina, NATO’nen pek sıqı bağda bulunmağa başlağanı ve uyğun areketlerine Rusiyeni aynı Ğarp qızıştırğanınen özüni aqlay. 

“Ava-kâinat mudafaa sistemalarnı ileride de mükemmeleştirmek kerekmiz. Şimdi, bilgeniñiz kibi, AQŞ gemisi, Qara deñizge kirgen. Oña dürbin ile ya da mudafaanıñ uyğun sistemalarnıñ nişanğa alıvında baqabilemiz”, - ilân etti Rusiye prezidenti Vladimir Putin Soçideki mudafaa mevzusı meseleler boyunca şurasında. 

AQŞ’da bildirilgenleri kibi, bazı tekliflerni “qabul etilmez olağanları” dep adlağanlarına baqmadan, keçken afta Rusiyenen telükesizlik aqqında yayınlandırılğan eki leyhasına dair müzakerelerni qara qış ayında keçirmege azırlar. Avropalı ittifaqdaşlarınen keçken ayda paylaştırılğan amerikalı istihbaratınıñ malümatları Rusiye, belki de, kelecek ayda 175 000 qadar arbiylerniñ celp etüvinen Ukrainağa ücümini planlaştıra. 

“Rusiye, Ukrainağa kirmege qarar berse, bunı qısqa vaqıt içinde yapabile”, - dedi AQŞ tışqı siyaseti institutınıñ hadimi Rob Li.

RF tışqı işler naziri Sergey Lavrov tarif etkeni kibi, Ğarp öz mevamını añlasıñ dep Rusiye, kerek olğan er şeyni yapar. 

“Mudafaa qabiliyetimizniñ temin etilmesi içün qullanğanımız  areketlerni diqqatqa alsaq, bizge munasebetimiz ciddiy olacaq”, - ilân etti Sergey Lavrov çarşenbe künü RT TV intervyüsinde. 

Hatırlatayıq ki, keçende RF prezidenti Vladimir Putin, er yıllıq büyük matbuat konferentsıyasında Ğarp ve NATO, Şarqqa kenişletmemege söz bergen edi, amma daima olğanı kibi, aldattılar. 

“Ğarp, bizden daa telükesizlik kefaletlerni talap ete, lâkin olarnıñ sıñırlarına biz kelmedik, raketalarnen sıñırlarımızğa kelgen olardır. Amerika, kimniñ yardımı ile Tehasnı alğanını (Meksikada bu territoriyasını zapt etti) hatırlattabilemiz. Ğarp, bunı hatırlamağa sevmey, amma bizni Qırım içün sıq yüzleyler. Buna köre, Ğarp, namuslı olsun da, soñra ise bizni ögretsiñ”, - dedi RF prezidenti.