Bunıñ aqqında “Qırım birdemligi” bildire. 

“ Natimannıñ başına kelgenleri aqqında haberim olğanda bütün halqım böyle kibi bir şeyni is etkenini añladım. Halqımızğa dair aqiqiy faşist münasebetidir. Qırımtatar halqımnı işkenceler ve elektrik aqımı ile sorğuğa çekeler. O, er kesnen olunabile. Yarın meni de terrorizmde qabaatlaycaqlarmı? Qırımnıñ eyiligine çalışam. Bu zulumlığını toqtatmaq kerek. Kelecekte qırımtatar halqnı uydurılğan qabaatlavlar boyunca toqtatmasıñlar içün qabaatlı olğanlarnı cezalandırmağa talap etemiz”, - Nuri Yakubov. 

Hatırlatayıq ki, 2021 senesi ilk qış aynıñ 17 Nariman Ametovnıñ evinde tintüvler keçti. Erkekni birden evge aldılar, Narimannıñ evinde tintüv areketleri onıñ bulunuvısız keçtiler.

“Evime büyük belâ keldi. Tintüvler keçirip er şey yahşı olğanını aytaraq, oğlumıznı alıp ketip belli olmağan yerde saqladılar. Onen kerçekten de ne yapqan ediler? Evde ufaq balalar qaldı… Kimsege yaman bir şeyni yapmağan insanğa hor baqılırmı. Bütün şeer, onıñ yahşı insan olğanı aqqında ayta. Evimizge silânen kelmege olarnıñ nasıl aqqı bar? Tınç yuqlap olamaymız, çünki er an kene de kele bileler”, - Nariman Ametovnıñ anası.

Soy-soplarnıñ ve Nariman Ametovnıñ sözlerine köre, tahqiqiy areketler Perevalnoye köyünde gaz borusınıñ patlavı sebebinden keçirilgen ediler. Şimdi bu cinaiy davasına bir qaç insan oğradı - siyasetçi Nariman Celâlov ve ağa-qardaşları Aziz ve Asan Ahtemovlar.

“Eski Qırımda yaşayım ve soñki vaqialar er kesni şaşırttılar. İlk qış ayından başlap bugünki kününe qadar epimiz qorquda bulunmaqtamız. Aqayım ve üç oğlumız bar. Terbiyeli adamlar olsunlar dep olarğa bütün bilgilerimni aşlayım. Er an FTH vekili kelip aqayımnı ya da iç bir şeyde suçlı olmağan balalarımnı alacağından qorqam… Bunı tüşünerek bile qorquğa dalam. Halqım üzerinde işkenceler ve taqip etüvlerniñ toqtatuvını talap etem. Tınç tarzda yaşap bir şeyge çağırmaymız. Tek öz dinimizge riayet etemiz”, - Nilüfer Kurtnebiyeva.

Eali, şahsiy tarihınıñ saqlaması içün elinden kelgenini yapsıñ dep qadın, çağıruv yapa.

“Olarnıñ tarafına keçmeñiz. Halqıñıznı qurtarmaq içün eliñizden kelgenini yapıñız. Bir birimizge qol tutmaq kerekmiz. Quvetimiz ondadır”, - dedi o.

Qırımtatar halqı, Qırımğa öz sevgi  ve onıñ mirasını saqlamağa istegi aqqında qayd etti. 

“Bugün Narimanımızdan halqına eñ qorqunçlı muracaatını eşittik. Öz dinine riayet etkeninde qabaatlımı? Halqımızğa qarşı basqılarnıñ toqtatuvını talap etemiz. Qırımnı sevemiz. Onı viran etmek içün degil, beslemek içün qayttıq”, - Abdullah Yakubov.

Bizni Telegram’da oquñız