Bunıñ aqqında “Qırım birdemligi” bildire.

Eski Qırımda ilk qış aynıñ 17 FTH, 33 yaşındaki qırımtatarı, “Qırım birdemligi” areket tedbiriniñ iştirakçısı Nariman Ametovnıñ evinde tintüv keçirdi. Tahqiqiy areketler arman ayında Qırımdaki Perevalnoye köyünde olıp keçken gaz borusınıñ patlavı aqqında davasında keçe ediler. Ametovnı qırım mahsus hızmetlerniñ binasına alıp, itirafnı istep kün içinde aqım ile çekiştire ediler.

“İlk boşalması pek ağırtırılğan edi, dayanıp daa dayanıp olacağımnı zan ettim, amma uzun vaqıt içinde sabır etip olamaycağımnı añladım. Soñ ekinci, üçünci uruş. Üçünci soyundan soñ miyim irimege başladı, bir şeyni közetip olamay edim. Şunı qıçıtıp ayttım: yetti, aletke oturırım. Buna endi men qarar bermegenimni dep cevapladılar ve aqım ile urmağa devam ettiler. Andan çıqmam dep belley edim”, - tarif etti Ametov Facebook’ta “Qırım birdemligi” cemiyet teşkilâtınen yayınlandırılğan video muracaatında.

Çekiştirüvlerden evel o, Aqmescit rayondaki Perevalnoye k. gaz borusınıñ patlavında alâqalı olğanında şübelengeni aqqında haberdar etilgen edi. Ve bunı poligrafta tarif etmege onı mecbur ete ediler. 

Poligrafqa Ametovnıñ işançı olmağanına köre, bu alette şaatlıq etmege azır olmağanını dep cevap berdi. İşkencelerden soñ onı poligrafnı keçmege mecbur ettiler. O ise - oña taqdim etilgen şübeler esassız olğanını kösterdi, soñra ise quvetçiler Ametovnı, olarğa iddialarnıñ yoq etilmesi aqqında vesiqanı imzalamağa mecbur ettiler.  

Faal iddia etkeni kibi, işkenceler beş insandan ibaret olğan mağazında keçirilgen ediler, olardan biri özüni Maksim kibi tanıştırıp “seniñ kibi soylarını ezmek içün Qırımğa keldim” degen. 

“Qulaqlarım astına çullarnı soqtılar. Anda tellerni kirsetmege başlağanlarını duydım, betim üstünde olarnıñ areketini is etip meni aqım ile uracaqlarını añladım. Maksim, fikrimni deñişmedimmi dep sordı. Advokatnıñ olmasında israr etken edim. “Advokatmı dediñ”, - dep ayttı. Ve soñ aqım ile ilk uruşı edi”, - tarif etti Nariman Ametov. 

Qırım Muhtar Cumhuriyeti ve Aqyarnıñ prokuraturası bildirgeni kibi, aynı kün ilk qış aynıñ 17 işğal etilgen yarımadasınıñ sakinlerni qanunsız tarzda azatlıqtan marum etüv (Ukraina Cinaiy kodeksiniñ 146 m. 2 q.) ve işğal uquq qoruyıcılarnen keçirilgen qanunsız tintüvi vaqtında onıñ mesken yerniñ tiyilmemezlikniñ bozuluvı (CK 162 m. 2 q.) aqiqatları boyunca cinaiy davası açılğan. Lâkin, qayd etilgen vatandaşına dair işkenceniñ, ya aynen -  onıñ qanunsız tutuvı vaqtında elektrik aqımınıñ qullanuvı sebebinden muhtariyet prokuraturası, cenk adetlerniñ ve qanunlarnıñ bozuluv (Ukraina CK 438 m. 1 q.) aqiqatı boyunca cinaiy davasını açqan. 

“Şahıslarnıñ qanunsız tutuvı, olarğa dair işkencelerniñ qullanuvı ve insaniyetli olmağan münasebeti - cenk vaqıtta grajdan ealiniñ imaye etilmesi aqqında şartnameniñ 147 maddesinen yasaq etilgenler ve arbiy cinayeti olalar”, - qayd ettiler prokuraturada. 

Makemeden evel tahqiqatı, Qırım MC’de UTH Bİ’de keçirilecek. 

Bizni Telegram’da oquñız