Bunıñ aqqında o, “Apostrof TV”’deki intervyüsinde tarif etti. 

“Bugün ayta bilecegim şusı ki, (cenk vaziyetniñ kirsetilmesi içün) sebebi yoq. Yarın peyda olsalar, uyğun qararlar birden berilecekler, vaqıtnı kimse sozmaycaq”, - qayd etti Danilov. 

İhtar etkeni kibi, 2014 senesi olğan vaziyeti kibi kesen-kes olmaz. 

“Prava Sprava” grajdan teşebbüsiniñ reberi Dmitriy Snigerövniñ fikrine köre, cenk vaziyeti - siyasiy oyunınıñ elementidir. 

“Şimdi cenk vaziyeti kirsetilecek, ayrıca, Ukrainanıñ sıñırında rusiye arbiylerniñ toplulığı aqqında aytmağa manası yoq. Ğarbiy ortaqlarımıznıñ malümatı aqqında söz kete. İngiliz menbaları 100 biñge qadar rusiye arbiylerni, 80 biñge qadar amerikalı soylarnı adlaylar. Ücüm aqqında aytmaq içün o, yeterli degil. Bunıñ içün bir qaç ceeti olmaq kerek. İlk nevbette, miqdarı. USQ miqdarından ziyade olmaq kerek.

Bugünki kününe qadar USQ miqdarı 250 biñ ola. İlk dalğasınıñ 150 biñ miqdarında seferberlik yedegi olmaq kerek. Daa ATO ve OOS’ni keçken arbiy hızmetçilerniñ tahminen 1,5 million şahısı. 100-170 biñ miqdarında arbiy kontingentiniñ bar olmasınen qorqutması nafile”, - tarif etti Dmitriy Snigeröv İçtimaiy Qırım içün. 

Añlatqanı kibi, ametikalı KHV’dan yoldaş fotoresimlerinde RF tehnikasınıñ qayd etilgen yeri, devlet sıñırından 250-300 km mesafesinde buluna ve Rusiye tarafından ayrı telükeler aqqında aytmaq içün kritik mesafesi degil.

“Ukrainağa qarşı rusiye tecavuzı olsa, Yuqarı şurası, cenk ya da fevqulâde vaziyetni kirsetmek içün acele sürette toplanmağa azır”, - ilân etti patlament baş müavini, “Halq hızmetçisi” fırqasınıñ vekili Aleksandr Korniyenko “Azatlıq radiosınıñ” yayısında. 

“Siyasiy vaziyeti, daa Pötr Alekseyeviçniñ vaqıtlarda edi. Yani, cenk vaziyetni kirsetmege ıntıluvları, amma o, siyasiy quvetlerni közete edi”, - ilân etti ekspert. 

Hatırlatamız ki, eki yıl evel, 2018 senesi qasım aynıñ 25 Qırım yalıları yanında rusiye arbiyleri Adestem Mariupolge yol tutqan Ukraina DAQ üç gemisi - “Berdânsk”, “Nikopol” ve “Yañı Qapı”nı zapt ettiler. Rusiye FTH, ukrain gemilerine qarşı silânıñ qullanuvını tasdıq etti, idare iddia etkeni kibi, üç ukrain arbiy gemisi, “Rusiyeniñ devlet sıñırını qanunsız tarzda keçti”. Qırımdaki Rusiye makemeleri 24 ukrain arbiyni Rusiye CK 322 m. 3 q. (sıñırnıñ qanunsız keçüvi) boyunca qabaatlap olarnı tevqif ettiler. 

2018 senesi qasım aynıñ 26 prezident, 60 kün müddetine cenk vaziyetniñ kirsetilmesi aqqında emirni imzaladı. Saat 17:30 prezident, Yuqarı şurasını cenk vaziyetini 2018 senesi qasım aynıñ 28 saat 9’dan bütün Ukrainanıñ territoriyasında 30 kün müddetine kirsetmege rica etecegini ilân etti. 

2018 senesi ilk qış aynıñ 26 Pötr Poroşenkonıñ iştirağı ile MTMŞ muşaveresi olıp keçti. Ukrainada cenk vaziyeti resmiy tarzda lâğu etilgen edi. 

“Amerikalı KHV’nen yapılğan negativ dalğası, grajdan ealiniñ tarafından malümatnı tenqidiy tarzda talil etip rusiye tecavuzına qarşı çıquvı içün maneviy-vatanperverlik ruhunı yañıdan yaratmağa fırsatına uyğun cevabına tesir etmey”, - tarif etti Dmitriy Snigeröv. 

İşğal etilgen Qırımda qara qış aynıñ 20’ne askerlikke mecbur olğanlarnıñ toplavını ilân ettiler. 

Arbiy eksperti, baqtınca işğal etilgen Qırımdan Ukrainağa RF ücümine dair sahte malümatını red etti. 

“Ukrain tarafınıñ şiddetli ateşi astında manialarnı keçecek olğan moskvacılarına baqmaq pek meraqlı, çünki Ukrainanıñ mudafaa mevzimleri alâ qurulğanlar”, - aytqan o. 

Dmitriy Snigeröv qayd etkeni kibi, askeriyleştirüv tedbirlerniñ keçirilmesi, soñunda tasdıq etilmegen. 

“Şimdi Qırım, askeriy bazasına çevirilgen ve RF arbiy küçüniñ miqdarı ep artacaq. Söz, tek arbiy kontingentiniñ arttıruvı aqqında degil, Qara deñiz flotnıñ artqaç donatuvı aqqında da kete”, - dedi arbiy eksperti. 

Amma aynı zamanda, onıñ sözlerine köre, Moskvanıñ hoşuna kelmegen rusiye tekliflerni bir bataqqa batırmağa ıntıluvı olacaq dep telükesi bar. 

“Silâlı davalar, qan tökülüvi - bizim seçüvimiz degil, vaqialarnıñ böyle inkişaf etilmesini istemeymiz”, - dep aytqan RF prezidenti.