Alekseyniñ arzusı, Ukrain sıñırlarında ukrain sıñırcılar bulunsıñ dep. Ukraina silâlı quvetleri kününe Aleksey öz arqadaşlarına küç, sabır ve imanını tilledi. Ukrainlerge ise - öz qoruyıcılaına qol tutqan körünmegen qanatları olmaq. 

“Qırım - ağırlıq ve ğayıp etüviniñ tarihı. Anam ep ögrete edi ki, bir şeyni almaq içün özüni qorçalamağa bilmek ve çalışmaq kerek. Qırımnı menden alğanlarda, eñ qıymetlisini aldılar - Vatanımnı. Tuvğanlarımnı tahminen 8 yıl içinde körip olamağanımnı añlayım. Bu ağırlıq, ülkemni qorumağa yardım etken işnen oğraşmağa decam ettire”, - tarif etti Aleksey İçtimaiy:Qırımğa. 

Balalıqtan USQ kelecek polkovnigi, silânen pek meraqlana edi. Onıñ mecmualarnıñ ve kitaplarnıñ çoq sayısı bar edi. Keççe o, ömüriniñ işi olğan. 

“Zenaatım boyunca tüfekçi olğanım qarar berici vaqtım bar edi. Amma üleştirüv vaqtında uyğun vazifeler olmağan edi. Hızmetni keçken vaqıtta zenaatım boyunca vazifede bulunmayıp, cemaatnen alâqalar kibi yönelişlerde inkişaf etilmege başladım. Malümat tehnologiyalarnıñ inkişafı, özüni malümat yatağında deñemege izin berdi. Yarışnı keçtim ve meni matbuat hızmetine aldılar. Fotoresimlerni yapıp metinlerni yazmağa başladım - pek hoşuma kelmege başladı. Bunen pek ciddiy oğraşmağa başladım. Bu saada özümni faal sürette inkişaf etmege başlanğanım vaqıtta arbiy qısımlarnıñ birinde silâlaştıruv hızmetini idare etmege teklif ettiler. Red ettim. Fırsatım olğanını ayttılar, amma jurnalustikanı begene edim”, - paylaşa hatıralarnen Aleksey Çernobay.

2014 senesi Aleksey, Ukrainanıñ milliy gvardiyasına oğradı, aynı yılnıñ soñunda ise - USQ’ne oğradı. 

Mudafaa naziri Stepan Poltorak, maña büyük işançını köstergen. Onıñ yardımcısı olmağa maña teklif etti. 

“2014 senesi KHV’nen işdeşlikniñ teşkil etüv meselesi olmağan edi. Şarqta çalışqan jurnalistlerniñ işini tertip etmege zot edi. Amma biz bu şiddetli işini yapqan edik, çünki jurnalistlerniñ sayesinde ülkede içki davası degil, Ukraina ve Rusiye arasında cenk olğanını dünyağa isbatlap oldıq”, - qayd etti arbiy. 

BQA territoriyasında aynı zamanda 40 çıkarıcı gruppası çalışqan vaqtı bar edi. Jurnalistler kergin yerlerge qolay oğrasıñlar dep pek çoq quvet berilgen edi. Bizim hurnalistlerimizniñ sayesinde dünya, Ukraina aqqında daa çoq bilgi almağa başladı.

“2014 senesi pek isteklendirici edi. Rusiye, Qırımnı zapt etken ve Donbassta silâlı tecavuzını yapqan vaqıtta cemiyet, faal sürette birleşmege başladı. Ukraina vatandaşları, jurnalistler, göñülliler bir maqsat içün birleşkenler. Öyle bir qaviy destegini duya edim ki, sanki bütün ukrain halqı, isyan etip tuvğan ülke oğrunda küreşe edi. Dostlarımnıñ çoqusı, meni terk etti. Bazıları halqnıñ yoq etüvinde yardım etkenim aqqında ayta ediler. Açuvlanmayım, çünki aqiqatnı añlağan vaqıtta olar öz fikrini deñiştirdiler. İnsanıñ deñişmege fırsatı bar. İnsan, şuuruna barıp silânı alıp Ukrainağa qarşı cenkleşmege ketkende onı aqlanacaq olğan bir şey yoq”, - qayd etti Aleksey Çernobay.

Qoruyıcı, İçtimaiy:Qırımğa keçende baba olğanını dep aytqan, amma Ukrainanıñ territorial bütünligi aqqında arzu etmege toqtamay. 

“Şimdi o, ögge areket etip olamay, çünki pek uzun vaqıt içinde oñalğan yaraları bar. Qırım meselesi daa teren ola ve onı öyle qolay qaytarmazsıñ. Ailemnen beraber maşnağa oturıp Qırımğa ketecegimni alâ daa arzu etem. Qırımğa yeñici olaraq kirmege isteyim. Öz devletine territorial bütünligini qaytarmaq içün er şeyni yapqan adam kibi”, - dedi Aleksey Çernobay.