RF etrafında olayatqan siyasiy vaziyetine köre, Rusiye içün cenk elverişli degil - arbiy eksperti
Ukrain-rusiye sıñırdaki vaziyeti kerginleşe. Daa ay evel rusiye arbiylerniñ arttıruvı aqqında The Washington Post ve Politico amerikalı neşriyatlar yaza ediler, soñra ğarbiy arbiy ekspertler, Pentagon, NATO ve Büyük Britaniya mudafaa nazirliginiñ vekilleri ihtar etmege başladılar. İhtarnı yoldaşlardan uyğun fotoğraflarnen tasdıq ettiler. Ukrain quvetçilik idareler bu qorqutuvlarnıñ körmemezlikke uruv siyasetinden vazgeçip rusiye-ukrain sıñırınıñ bütün yollağı üzerinde Rusiyeniñ ola bilgen tecavuzınen qasevetini bildirmege başladılar.
“Şimdiki akimiyet, Şarqta “telükeli olğan bir şeyni” körip soñki vaqıttaki hayırsızlıqlarnı saqlamaq içün er şeyden tecavuzcını qabaatlamağa tırışa. Amerikalı KHV Ukrainanen sıñırında rusiye arbiylerniñ toplanuvına dair malümat cenkni başlanğanlar soñ akimiyetimiz, böyle çağıruvlarnı faal sürette qullanmağa başladı”, - tarif etti arbiy eksperti, Baş ştabdaki operativ idaresiniñ sabıq hadimi Oleg Jdanov.
Ekspert añlatqanı kibi, qara qış aynıñ başında rusiye arbiylerniñ ücüm etilmesi aqqında bütün bildirüvlerine inansaq, Ukrainanıñ mudafaasınıñ köterilüvi içün nasıl tedbirler yapıla? Ya aynen - USQ donatuvı, seferberlik ve “arbiy relsine” alıp keçirüvi”.
“Akimiyet, bu mevzunı menimsedi dep yekün çekmek mümkün. “Eski amam, eski taz” desek, bu yañı akimiyetini tasvir etip olurmız”, - ilân etti Oleg Jdanov.
“Rusiye, areket etmege devam etse, Ukraina onıñ içün kelecek Afğanistanı ola bile ve Ukrainanıñ diplomatik, siyasiy ve arbiy ortaqları olmaq Kongressteki işimiz ola”, - ihtar etti tışqı işler kommitetiniñ azası, Konnektikut ştatından senator-demokrat Kris Merfi.
Oleg Jdanov añlatqanı kibi, bugünki kününe qadar o, olumsız, çünki ücümni teşkil etmek içün Putinniñ uruş zümreleşmesi yoq. RF etrafında yaratılğan siyasiy vaziyetine köre, Rusiye içün bu cenk elverişli degil.
“Ğarp, bu dalğasına eki sebepten qol tutqan: Ukraina ve Rusiye arasında cebeleşüv derecesiniñ köterüvi sayesinde Kozak ve Yermaknıñ ola bilgen muzakerelerni bozıp RF’nen muzakerelerinde uzlaşuvlarnı qıdırğan Yermaknıñ tarafından ukrain meraqlarnıñ taqdim etilmesine izin bermemek içün.
Kene de, Putinniñ betine baqıp AQŞ arqadından bütün meselelerni çezmege Ukraina prezidenti Vladimir Zelenskiyniñ ğayesi - ğarbiy ortaqlarnıñ tarafından işançını boza. Olar paranı berip yardım etelet, biz ise - olarnıñ haberi olmadan añlaşamız”, - qayd etti arbiy ekspert.
Hatırlatamız, RF ve AQŞ liderlerniñ muzakereleri ilk qış aynıñ 7 video bağlanuv şeklinde ötkerilecekler. Bunıñ aqqında Rusiye prezidentiniñ vekili Dmitriy Peskov tarif etti. Onıñ sözlerine köre, körüşüvniñ ilk qısımlarnı telefon etüvinden soñ kösterecekler.
«Putin ve Bayden arasında video körüşüvi, daa kiraz ayında köterilgen meselelerine bağışlanacaq. Bayden, Amerika ve onıñ ittifaqdaşalarnıñ meraqlarınıñ bozuluvına dair areketlerniñ toqtatuvı içün Putinge 6 ay bergen. Muzakereler içün temeli olsu dep cebeleşüv derecesini kötermege qarar berdiler”, - dedi Oleg Jdanov.
Arbiy ekspert añlatqanı kibi, onlayn muzakerelerinden soñ Ukraina içün müsbet neticelerni beklemege keregi yoq. Beklenilecek olğan bir şey - kvo-statusı.
“Yaman haberlerniñ yoq oluvı, bu muzakerelerniñ eñ müsbet aqibeti olacaq. Lavrov, Almaniya ve Frenkistan tışqı işler nazirlikler minsk añlaşmalarnıñ eda etilmesine dair Ukrainağa basqısını yapmaylar dep olarnı qabaatladı. Muzakerelerde iç bir oñğanlıq olmaz, çünki taraflarnıñ mevamları qarşı. AQŞ şahsiy siyasiy emiyetiniñ tüşürilmesine izin bermezler, Rusiye ise - bar olğan yararlıqlarını saqlamağa tıtışacaq”, - qayd etti ekspert,
Oleg Jdanov, tışqı işler komissar yardımcısı, RF’na basqınıñ müim aletleti bar olmasını qayd etkenine diqqatnı celp etken.
Rusiyeliler evelki sanktsıyalarnı deşetli dep adladılar, Rusiye boyunca ağır uruşlarnı yapabilgen iqtisadiyat saalar boyunca sanktsıyalar da bar.
“Esas basqısı - Rusiyeniñ trillionıdır. Yani, rusiye oligarhlarınen amerikalı banklarına qoyulğan parası. Lavrovnıñ qızısı, AQŞ vatandaşı, supermarket ağlarnıñ saibi olarken, Peskovnıñ oğlusı Büyük Britaniyanıñ vatandaşı olıp anda yaşap çalışırken Rusiyenen muzakereler içün müim sebepleri bar. Elbet de, bu usul soñ dereceli. Rusiyege basqınıñ bütün seviyeleri neyicesiz olsalar, aile azalarına tiyilmemezlikke dair kvo-statusı, toqtatılacaq. Moskvada ya da Peterburgda yaşağan amerikalı siyasetçilerniñ balalarını diqqatqa almayım, rusiye “siyasiy ailelerniń” aman-aman episi, ğarbiy ülkelerde yaşay. Bütün para, amerikalı banklarda”, - qayd etti Baş ştabdaki operativ idaresiniñ sabıq hadimi.
Oleg Jdanov şunı qoştı ki, RF prezidenti ordularğa ücüm etmege emir etse - o, onıñ soñki avalesi olacaq, çünki etra, Rusiyeniñ, Ukrainağa arbiy ücümine izin bermez.
