Stabil suvuq ava başlağandan ucum telükesi tek östi. Lâkin ayazlar ne rus, ne de ukrain askerlerine zarar etmecekler. 

Rus ordularnıñ ukrain sınırlarına oplaşuvı ve bu vaziyette Qırımnıñ yeri aqqında “Kun mevzusı” programmada “Strategіâ HHІ” globalistika Merkezinin telükesizlik programmalarnıñ reberi Pavlo Lakiyçuk malümat berdi.

Pavlo Lakiyçuk qayd etti ki, Ukraina yanında ucum toplaşuvı aqqında daa 3-4 yıl evelsi aytqan ediler:

“O yavaş-yavaş şekellendire, yañı ucum taqımlar yaratılalar,  birinci - 21-ci tank ordusı ketirile. Bu yerli taktik operatsiyalar içün taqım degil, bu tam olaraq azır quvet toplaşuvı. Oñı balaban cenkke kibi yaratalar. O bir kün devamında yaratılmadı, ukrain istihbaratı oñı nezaret ete edi. Hususan soñki yıl devamında, işğal etilgen Qırımda keçirilgen oquşlardan soñ  bizim şimaliy sınırlarmıznıñ yanında sañki oquş maqsadınnen  rus quvetlerini ketirgen ediler. Olar sınırlarmıznıñ yanında öyle de qaldılar.

Bizim ortaqlarımız öz istihbarat malümatlarına esaslanıp, bizge mümkün olğan Rusiye ucum telükesi aqqında haber ettiler. Elbette, AQŞ eñ küçlü radioelektron ve kosmik istihbarat sisteması bar, biz olarğa inanamız”

İmkânı olğan ucum yönelişleri aqqına globalistika Merkeznıñ zenaatçiları ukrain istihbaratnıñ neticelerinnen razılar. Olar fikir eteler ki, mümkün olğan yöneliş - bu Ukrainanıñ şarqı, anda ruslarnıñ eñ küçlü taqımları bar, lâkin ukrain mudafaa quvetri de küçlüdir. Ondan ğayrı daa eki dane yöneliş bar:

“Şimaliy tarafta Rusiye, Ukraina ve Belorusiye çatışma noqtası bar, bu telükeli yöneliş, o bizim eñ balaban şeyerlermizge yol aça. Ucumnıñ yardımci yönelişinnen işğal etilgen Qırım ola bile. Qırımda Qaradeñız flotnıñ ordu korpusı buluna, lâkin Qırımdan ucumlanmağa qıyın: andan ordularını keçirmege qıyın. Belki de Odesa tarafından Azaq deñızı tarafına ve bu yıl oquşlar keçirilgen mariupol yönelişte yardımci taktik desant uruvlar yapılacaqlar”. 

Hatırlamağa isteymiz ki, Rusiye telükesizlik Şuranıñ kâtibi Mikola Patruşev  boş aynıñ 24 "Argumenti і fakti" rus neşirine derc etilgen intervyüsında beyan etti ki, “şu daqada Ukrainada fevquale vaziyetnıñ telükesi bar”, bu sebepten million ukrainler tış devletlerge qaçmağa mecbur olacaqlar.

Ondan soñ Patruşevnıñ muavini Öleksandr Grebyonkіn “Rus gazetasına” intervyü berdi. Bu interyüda o ayttı ka, “ukrain mahsus hızmetlerinnen ve radikal teşkilâtları tarafından qırım yönelişte, deñız iqtisadiy faaliyetnıñ obyektlerine, Qara ve Azaq deñızlerde naqliy keçuvlerde qavğalarnıñ telükesi östi”. 

Daa o qoştı ki, “ukrain ükümetnıñ bozğun  faaliyeti devam ete, o Qırımda yaşağan rus grajdanlarına qalp malümatlarınnen qullanıp, tesir etmege ıntılmalarını devam ete”.

RF reberligi aqqında globalistika merkezinin telükesizlik programallarnıñ reberi Pavlo Lakiyçuk ayttı ki, olarnıñ eki dane maqsadı bar: dünyaga zaif olğan Ukrainanı köstertmege ve öz elektoratını kelecek areketlerge celp etmege.

İşğal etilgen Qırımda Ukraina tarafından olmaq mümkün provokatsiyalar başqa şeylerne bağlılar:

“Men bellesem, olarğa işğal etilgen Qırımda yapılğan repressiyalarını aqlamağa sebep kerekü Şimdiki vaqıtında qırımdaki Kreml mabuslernıñ sayısı yüzden çoq olğan.  Qabaatuvlar şaşırta, çünki Qırımda iç bir terakt yapılmadıyu

Ekinci sebep böyle: Azaq deñızde ruslar Keriç boğazını blok etip, iqtisatmıznı boğmağa tırışalar. Kerçekten, Berdânsk ve Mariupol şarqıy tarafında yerleştirgenler. Olarğa öz areketlerini aqlamaq içün sebepler kerek”.

Ayrıca eksper işğal haber vastalarına yarımadada yañı bölüklernıñ yaratuvı aqqında malümatlarını tefsir etti. Aytıla ki, Qırım cenübiy tarafında üç batalyonı yaratmağa isteyler. Olar ateş atuv aletlernen donatılğan olacaqlar. Bunı 2027 yapmağa niyet eteler.

“Bu vaziyette Rosgvardiyanıñ bölügi aqqında aytıla - bu Silâlı quvetlernıñ qısımı degil, bu içki ordular - cezalav sisteması. O infrastuktura obyektlernıñ mudafaasını yapa ve halqqa qarşı represiyalarğa yardım ete. Rosgvardiya bölüklernıñ Qırımda çoqlaşuvı Qırım sakinlerini qorquzmaq maqsadınnen yapıla. Elbette, bu pek yaramay.

Arbiy tarafından olar az aydanlantqan şeylerge diqqat etmege kerek. Misal olaraq, Kefede ava-desan ordularnnı bölügi şekkellendire. Bu tamamınnen ucum bölügi olacaq, mahsus bu bölük içün Cankoyda gelikopter polknı yarattılar. Bu areketler - arbiy azırluvlar, olar Ukraina ucumı içün qullanmağa ola bileler”.

Globalistika Merkezinin telükesizlik programmalarnıñ reberi amerikalı kongresmennıñ, Kongressteki imdat taqımnıñ başdaşı Brayan Fitspatriknıñ beyanatını tefsir etti. O ayttı ki, RF Ukrainağa ucumlansa, AQŞ  Ukrainanı qorçalamağa azır. Pavlo Lakiyçuk hatırlattı ki, soñki yıl devamında Ukraina ortaq-devletleri, Şimaliyatlantik alyansnıñ azaları RF ordularını Qaradeñız yönelişte nasıl toqtatmağa usullarını taptılar. O faal şekilde inkişaf ete ve Kremlnı raatsızlatı.

Ekspert qarar çıqardı ki, amerikalı, britan, alman, frenk siyasiy erbaplarnıñ, diplomatlarnıñ beyanatlarına köre, 2014 senesi olğan vaqıalar kene de tekrarlanmacaqlar.