“Qırım seyaat ete: TSMA”
Böyle adıne sergi, Kiyevde Tasviriy sanat milliy akademiyasında olıp keçti. Mında qırımtatar ve ukrain ressamlarnıñ resimleri taqdim etilgen ediler. Ressamlıq, video ve halq avalar sayesinde serginiñ esas mevzusını aça - Qırım ve onıñ manzaralar, tabiat, şeerler ve insanları.
Şlâh/Yol - Qırım medeniyeti aqqında leyhası ve Tasviriy sanat ve mimarcılıq milliy akademiyası, “Qırım seyaat ete: TSMA”. Bunıñ aqqında leyhanıñ Facebook saifesinde denile.
“Arzu etilgen yerni uzun zaman içinde ziyaret etip olamağan vaqıtta qıymetli resimlerni körip tanış olğan seslerni duymağa tırışamız. Çünki olarnıñ sayesinde kene de yaqınlıqnı ve alâqanı köre bilemiz, sanki öz hayalında degil, kerçekten de seyaat etemiz. Duyğular, tabiat, soqaqlar ve evler - episinden manzaralı eserler ibaret olalar. Toqtalmağan tarzda areket etken ayatnıñ qısqa ani qayd etilgen. Uçuştan çıqarılğan aqiqiy videolar ayrette qaldıralar. Nağmeler - er kesge añlaşılğan tili ola. Türküniñ sözlerini bilmeyip bile onıñ keyfini fuyamız, ve bu alnı öz göñül rezonatorından keçiremiz”, - deyler leyha iştirakçıları.
Menba: İçtimaiy Qırım
Mında qırımtatar ve ukrain ressamlarnıñ resimleri taqdim etilgenler: Mecit Reşitov, Olesâ Solovya, Anatoliy Zorka, Elmira Şemsedinova, Andrey Çebotaru ve şahsiy sergilerden olğan dört qırım ressamnıñ resimleri.
“Resimlerim Tasviriy sanat milliy akademiyasında bulunğanları pek büyük bir ğururı ola. Ailem Qırımnen pek zor sağlıqlaşa edi. Kiyevge etüdlarnen küçük bir albomnı alıp ketirdim ve ketende ayrı bir tehnikasında okarnı tasvir etmege istedim. Mında Qırım içün adiy manzaralar tasvir etilgen: serviler, deñiz yalısı, kaktuslar…”, - tarif etti İçtimaiy Qırımğa qırımtatar ressamı Elmira Şemsedinova.
Ukrain ressam-çölmekçi Rustem Skibin qayd etkeni kibi, öz yaratıcılığı ile qırımtatar halqnıñ daa yarımadada yaşağan vaqıtlarda özünde teebiye etilgen Qırımğa sevgisini köstermege fırsatı bar.
“Yaqın vaqıtta qırımtatar ressamlarnıñ çoqusı, sizge öz resimlerni kösterecek dep ümüt etem çünki Qırım - Ukrainadır”, - qayd etti Qırım ressamlarnıñ birleşmesiniñ vekili Rustem Skibin.
Sergi ziyaretçilerni de 2021 senesi arman-orta küz ayında uçuştan çıqarılğan Qırım yarımadasından ünikal videolarnıñ kösterüvi bekley.
Bağçasaray, Aluşta, Kefe, Yalta ve Qırımnıñ başqa şeerleri üzerinde uçıp 2021 senesi qasım aynıñ 23’den ilk qış aynıñ 15 qadar qırımtatar cemiyetteki manzaralarnıñ sergisinden keyf almağa er kesniñ fırsatı olacaq.
Menba: İçtimaiy Qırım
