Qanunsız apis etüvi ve onıñ sebepleri “Kun mevzusı” programmada studiya musafirleri avdokat Lilâ Gemeci, Ukrainanıñ Qırım MC daimiy vekilnıñ muavini Tamila Taşeva ve qırımtatar milliy Meclisnin başı Refat Çubarov ile muzakere etilgen ediler. 

Advokat Lilâ Gemeci işğalci quvetçilernen Edem Semedlâyev qarşı eki qanun bozuvğa çıqarılğan qabaatluvlar aqqında malümat berdi. O qayd etti ki, işğal mahkeme içki sırlı vesiqağa bağlanıp, audiyazuv yasağını añlata. Lâkin bu vesiqanıñ metini aza irişimde yoq. Ondan ğayrı Edem Semedlâyev cinayetçiler tevqıfhanesinde buluna. Buna advokat böyle tasvirledi:

"Memuriy toqtatılğan insanlar içün tevqıfhane tamir işler sebebinden qapalı, lâkin belki quvetçilernıñ başqa sebepleri de bar. Emil Kürbedinovnı de bu cinayet tevqıfhanesinde tutqan ediler. Bu sebepten zayennatdaşmıznı de bu tevqıfhanede başqa sebeplerden yerleştirdiler”.

O qoştı ki, Edem Semedlâyevnıñ toqtatuvı bütün advokat cemiyeti içün celp etüvnen ola.Advokatnen qorçalanğan vatandaşları aqqında Lilâ Gemeci ayttı ki, olarnıñ davalarınnen vaqtace başqa zenaatdaşları oğraşacaqlar:

“Edem Semedlâyevnıñ zenaatdaşları onıñ qorucılığı astında olğan insanlarğa yardım etmege tırışacaqlar. Edem azat olıp, işine qaytsa, episi kerekli vazifelerini yerine ketirecek. Lâkin, elbette, bu vaqıalar tesir eteler. Bu tek Edem Semedlâyevğa basım degil, bu onıñ qorucılığı astında olğan isanlarğa de basım ola”.

Toqtatuv aqqında haberden soñ areketleri aqqında Tamila Taşeva malümat berdi:

“Biz Ukrainada resmiyleştirgen devletlernıñ diplomatik vekilçetlerine hatip ettik. Bazılar tünevin, bazıları bugün bu vaqıalarğa ve grajdanlarmıznıñ aqlarnıñ bozuvlarına reaktsiya etti. Bu usullarmıznıñ bir qısımıdır. Başqa qısımı - elbette, RF hatip etüv. Biz grajdanmıznı azat etmege talap etemiz. Yazıq ki, bu territoriyanı nezaret etken RF halqara ortaqlarmıznıñ areketlerine diqqat etmey, lâkin grajdanlarmızğa yardım etmek içün biz episi usullarnen qullanacamız”.

Ukrainanıñ Qırım MC daimiy vekilnıñ muavini qoştı ki, yazıq ki diplomatik  usullarnıñ tesiri tez olmay. 

Refat Çubarov aytqanına köre, işğal ükümeti qırımdaki advokatlarını qorquzmağa tırışa. Bu sebepten o eñ belli qorucilarğa qarşı davalarını qalp etmege başladı:

“Rus işğal ükümeti er zaman basımnıñ yañı usullarını qıdıra. Yaqında bu kütleviy toqtatuvlar edi. Vatandaşlarına imdat bildirmek içün  çıqqan 140 adamnı toqtatqan ediler. Evelsi advokat Emil Kürbedinov de toqtatılğan edi. Oñı de memuriy apisine makemelegen ediler. Bu de qanunsız edi. Şimdi ise Edem Semedlâyev advokatını zenaat vazifelernıñ yerine keterüvi sebebinden makemelediler. Ondan ğayrı, bu pek qıba derecede yapılğan edi - rus “politsiya hadimi”  ekstremist timsallernıñ qıdıruvı sebepten, oñı soyunmağa mecburlağan edi”.

Meclisnıñ başı ayttı ki, ukrain telekanlları ve başqa haber vastaları qanunsız toqtatılğan ve mahkemelengen vatandaşlarına imdat bildirtmege mecburlar. İşğal ükümetke tesir etken faydalı usullarını işletmediler, lâkin olar episi bir bar. Çubarov qoştı:

“İşğal etilgen Qırımda Ukraina grajdanlarını qanunsız taqıp etkenlerine qarşı vesiqalarını toplamağa kerek. Birinciden, bu işğal politsiyanıñ hadimleri. Edemnıñ vaziyetine Ruslan Şambazov özüni köstertti. Bu Ukrainanıñ Qırımdaki İİN sabiq hadimi. Onıñ Artur Şambazov qardaşı bar. O evelsi UTH baş idarenıñ hadimi edi. Bu eki qardaş - satqınlardır, olar iğalcilernen işbirlik etmege başladılar. Olar qırımtatarlarını nefret eteler. Ruslan Şambazov Edem Semedlâyevnı qavğağa ettirtken edi, raportlarını yazğan edi. Ondan ğayrı haberim oldı ki, tünevin o mahkemenı qapalı rejimde keçirmege talap etken edi, çünki aytqanına köre, o öz yaşayışı içün qorqa”.