“Aqiqaten, o, Aqrusiye prezidentiniñ tarafından adiy söz oyunıdır, çünki daa ay evel Lukaşenko, oña Qırım aqqında oñaytsız olğan suallerden qaçına edi. O vaqıt şunı añlattı ki, soñki oligarh Qırımnı rusiyeli dep tanığam zamanda Qırımnı ziyaret etip o da onı Rusiye territoriyası olaraq tasdıq eter”, - dedi Yahno.

Siyasetçi şunı qoştı ki, öz-özüni Aqrusiye prezidenti dep ilân etkeni, özüne fayda ketirmek maqsadınen Rusiye içün emiyetli olğan mevzularnı qullana. Aqrusiye siyaseti ise bütünle Rusiyenen añlaşılğan ve vaqıt ile RF akimiyetine daa çoq tabi olacaq.

“Aqrusiye prezidentiniñ safsatası pek deñişken, çünki saylavlardan evel er intervyüsinde Kremlden qorqanını ilân ete edi. Soñra ise onıñ sözlerine köre, “NATO tankları sıñırda turalar”, Ukraina ise - “Ğarpnıñ istilâcılıq basqılarnıñ ittifaqdaşı ola”. Buna köre, Lukaşenkonıñ bu sözleri oyun kibi qabul etilgen sözler kerçekke çevirile bileler”, - dedi o.

Olesâ Yahno ilâve etkeni kibi, işğal etilgen Qırımğa Aleksandr Lukaşenkonıñ ziyaretini yarımadanıñ rusiyeli dep tanımasınen qabul etilmez, çünki devlet , o ya da başqa territoriyasınıñ ait oluvını tanılğanını ilân etken ayrı uquqiy aktı olmaq kerek. Onıñ fikrine köre, Aqrusiye ülke, öz mustaqiligini bütünle coyıp Rusiyeniñ nezareti astında bulunacağında Qırımnı rusiyeli dep tanır.

Siyasetçi, poloniyalı-aqrusiye sıñırındaki vaziyetini de tefsir etti:

“O, Lukaşenkonıñ tarafından intiqam dayın körüne, çünki belli olğanı kibi, aqrusiye turistik şirketleri içtimay ağlarda ilân etip, çoqusınen Iraq vatandaşları olğan qaçaqlarnı Aqrusiyeden Baktıq ülkelerine areket etmege çağırğanları sebebinden Ğarbiy ülkelerden sanktsıyalarnı aldılar. Bundan da ğayrı, Iraqtan Minskke aviareyslerniñ miqdarı arttırılğan edi. Keççe, köçücilerniñ miqdarı artmağa başlap Almaniyağa qadar kelgen vaqıtta gibrid cenkteki elementiniñ yaratılmasınen Rusiyeniñ alâqası bar olğanını añlaymız”.

Belli olğanı

• Rusiye prezidenti Vladimir Putin ve Aqrusiye başı Aleksandr Lukaşenko 2021 senesi qasım aynıñ 4 Rusiye ve Aqrusiyeniñ Yuqarı şurasınıñ oturışında eki ülkeniñ bütünleşüviniñ terenleştirüvi aqqında dekretni imzaladılar.
• Poloniya mudafaa nazirligi haber etkeni kibi, 2021 senesi qasım aynıñ 8 Aqrusiye tarafından Poloniya sıñırında Yaqın Şarqtan qaçaqlarnıñ süresi peyda oldı. Aqrusiye quvetçilerniñ konvoyı ike AB’ne kirmek içün sıñırını açmağa ıntıluvını yaptılar. Köçüciler, aqrusiye-poloniyalı sıñırında yerleştirilgem “Bruzga-Kuznitsa” sıñırdaki noqtası yanında lagerni açtılar.