Kiyevde qırımtatar uçucı Amet-Han Sultannıñ hatırasını añdılar

Ірина Сорока
·
18:27, 26 Ekimay
Kiyevde qırımtatar uçucı Amet-Han Sultannıñ hatırasını añdılar
Foto menbası: Суспільне Крим

Şuralar Birliginiñ eki qat qaramanı, qırımtatar milliy areketiniñ iştirakçısı Amet-Han Sultannıñ doğğan kününden 101 yılığına, Kiyevdeki Ebediy şan-şüret parkında onıñ abidesine çiçeklerni qoyıp şiirlerni ve duanı oquy ediler. Tedbirde qırımtatar halqnıñ Meclis azaları, cemiyet faalleri ve “Qırım ailesi” tasil merkeziniñ talebeleri iştirak ettiler.

Tarihçı Andrey İvanets tarif etkeni kibi, Amet-Han Sultan, 1970 senesi kökte uçuv aletniñ nevbetteki deñevi vaqtında can bergen.

“O, cenkniñ adiy sınav-uçucısı degil. Onıñ soyadı, Leborjedeki divarında yazılğan, böyle yazılğan: “Amet-Han Sultan, Tañrıdan alıp berilgen uçucısıdır”. Yüzden ziyade uçucı aletni, helikopterni, uçaqnı sınap oldı”, - qayd etti tarihçı.

“Amet-Han Sultan - Şuralar Birliginiñ eki qat qaramanı olıp olğan yekâne qırım tatarı ola”, - Andrey İvanets.

“Bundan da ğayrı, o [Amet-Han Sultan], Şuralar Birliginiñ qaramanı üçünci sefer de olmaq kerek edi, amma o stalin vaqıtlarda olğanı ve o, öz qırımtatar milletçiliginden vazgeçmegeni sebebinden olmadı”, - emin İvanets. 


Menba: Suspilne
Qırım  

Qırımtatar halqnıñ Meclis başı Refat Çubarov, Suspilne Qırımnıñ muhbirlerine öz halqı ve adaletlk oğrunda kureşken er kes şerefke lâyıq ola dep bildirdi. 

“Amet-Han Sultan, özünde er şeyni birleştire edi, cesür, qorqu bilmez bir adam edi. Öz topraqnı ve halqını pek seve edi”, - dep bildire Refat Çubarov.

Ukrainadaki musulmanlarnıñ “Umma” diniy idaresiniñ müftiyi Said İsmagilovnoñ fikrine köre, böyle tarihiy qaramanlar şerefke lâyıq olalar.

“Amet-Han Sultan, qırımtatarlar aqqında şuralar uydurmasını yoq etip bu halqnıñ, sanki dersiñ, aqlanılğan sürgünini red ete. Böyle qaramanlar aqqında daimiy hatırlatuvı, şuralar ve rusiye propagandasını sile”. 

Deñevci-uçucı Amet-Han Sultannıñ hatıra sayuv tedbirinde Ukraina silâlı quvetlerniñ ava quvetlerniñ orkestri, qırımtatar milliy marşını ve haytarmasını işk sefer çala edi. Dirijor Yevgeniy Moskoviç, İçtimaiy Qırımnıñ muhbirine qırımtatar eserlerniñ ögrenüv qıyınlıqları aqqında tarif etti. 

“Qıyınlığı şunda ki, biraz özüne has olğan muzıkasıdır. Ukrain milliy marşınen qıyaslasaq, avanı icra etmege qıyın. Qırım avaları ukrain halqına daa pek belli degiller, biz ise - onı populârlaştıramız ve, ümüt etem ki, ileride icra etecegimiz”. 


Menba: Suspilne Qırım