Bunıñ aqqında İçtimaiy Qırımnıñ muhbiri bildire.

Qayd etilgeni kibi, 4 namzeti bar. 

• Yüliya Skakun- TMU iştirakçı prorektorı;
• Valeriy Bortnâk - TMU rektor vazifelerni icra etken;
• professor Damir Bikulov;
• professor Yaroslav Kiçuk. 

“İlk nevbette binalarımız, yataqhanelerimiz, derslerimiz ve studentlikniñ alı bizni qasevet ete. Ocalarımızdan marum olmağa niyetimiz yoq, olarnıñ yahşı qazançı olsun dep meraq etemiz, buna köre, tek öz içün degil, ocalar terkibi içün de raatsızlanamız”,- tarif etti iqtisadiyatınıñ  idare etüv İnstitutınıñ  başı Olga Zavğorodnâ.

Menba: İçtimaiy Qırım

Qayd etilgeni kibi, saat 12 qadar 160 insan rey bergen. O, saylayıcılarnıñ umumiy miqdarında  50 faiz.

“İnkişaf etip yañı kafedralarnı açmağa isteymiz. Kiyevdeki TMU, Qırımdaki soyundan ufaqça olmasıñ dep, yani er fakultetniñ bir qaç qatqa öz binası ve anda ise kafedralarnıñ büyük sayısı bar olğanı aqqında aytam”,- qayd etti Vernadskiy adına TMU saylav komissiyasınıñ başı Olga Semenets.

“Programma, Qırımnıñ deokupatsıyası strategiyasına TMU bütünleşüvine, Qırımdaki studentlerni celp etüvine yöneliş tuta. O, elektron aletler ile amelge keçirilmesini talap etken Qırımnen bağı”,- dedi V.İ. Vernadskiy adına TMU rektor vazifesine namzeti Damir Bikulov.

Menba: İçtimaiy Qırım 

“Qırımdan abituriyentlerniñ celp etilmesine dair çoq fırsat  qullanılğan edi. Şimdi bu iş, farqlı üniversitetleriniñ esasında Qırım merkezlerniñ şeklinde faal surette keçirile, amma TMU’de Qırımdaki abituriyentlerniñ celp etilmesi içün bu teşebbüslerniñ birleştirüv istiqbali, tarihı ve ayrı bir brendi bar”,- qayd etti V.İ. Vernadskiy adına TMU rektor vazifesine namzeti Yaroslav Kiçük. 

V.İ. Vernadskiy adına TMU rektor vazifelerni icra etkeni, halqara bağlarnı pekitmek, yataqhanelerdeki dershane fondı meselesini nizamğa qoymaq kerek olğanını qayd etti. 

Belli olğanı

• Bu yıl mayıs ayında TMU rektor saylavları keçken. Namzetleri ise rektor vazifelerini vaqtınca icra etken Vladimir Kazarin ve prorektor Yüliya Skakun ediler. Kazarin 2-ci turda ğalebe qazandı. Onıñ içğn saylayıcılarnıñ 54% eey bergen - 150 insan. Bu yıl oraq aynıñ 14 Ukraina Tasil ve ilim nazirligi, TMU rektor vazifesine yarışını ilân etti. Arman aynıñ 28’den itibaren rektor vazifelerni icra etken Valeriy Bortnâk ola.