Jurnalist Yesipenko davanıñ uyğunsızlıqları
![Jurnalist Yesipenko davanıñ uyğunsızlıqları](/pub/cdn/1630925079_Владислав Єсипенко.jpg)
Salı künü, ekim aynıñ 5 “Azatlıq Radionıñ” ukrain muarririyetnıñ ştattan tış mühbiri (“Qırım.Realii” leyhası) Vladislav Yesipenkonıñ davası ile nevbetteki oturuş keçecek. Bu oturuş jurnalistnıñ davasına endi altınci olacaq. “İçtimaiy Qırımnıñ” muarririyetı keçken ceryanlarda qayd etilgen esas uyğunsızlıqları topladı.
Vladislav 2021 senesi, ilk baar aynıñ 10 işğal etilgen Qırımda, Anğara boğazda toqtatılğan edi. 27 devamında Yesipenkoğa mustaqıl advokatlarını qabul etmediler. Şu zamanda rus devlet telekanala “Qırım 24” onıñ intervyüsını yayınlandırğan edi. Kanalnıñ saytına yerleşken videoda Yesipenko “Qırım.Realii” içün çıqaruvını tasdıqladı ve ayttı ki, çıqarılğan malümatlarını daa ukrain mahsus hızmetlerine yollağan edi. Advokat Öleksiy Ladin haber etüvine köre, Qırımnıñ işğal FTH hadimleri mahkemeda azaplar aqqında beynatından soñ “oñı öldurmege qoquza ediler”.
Bu Vladislav Yesipenkonıñ mektübinden qısımıdır, anda o ilk baar aynıñ 10-11 olğan vaqıalarını tasvirley.
“Meni yerge yıqıp, qulaqlarıma tellerini kiydirttiler ve elektrik toknı yolladılar. Ağrısına qatlanmay edim. Menim qıçirmama birisi qulaq asmadı. İşlerini devam ete ediler. Azaplar arasında maña sualler bergen ediler: “Qırımğa ziyaretnıñ maqsadı nasıl”, “Jurnalist olğanını bilemiz, lâkin Ukraina mahsus hızmetlerinden berilgen vazifeler aqqında haber et”, “Seni ne vaqıt celp ettiler?”, “Qırımda neni ve ne yerde çıqarğan ediñ?”, “Polkovnik Kravçku aqqında ne bilesiñ?”. Daa ayttılar ki, mende taqıplerden qaçmağa tejribem bar, çünki men avto aydağanda tezleşe edim ve toqtağan edim. Demek, böyle olar menim “kasus olğanıma” ima etken ediler”, - Vladislav “Qırım. Realii” muarririyetine yollağan mektübine yazdı.
Evelsi oñı Rusiye Cinayet qanunnamenıñ 223-1 maddesine (Patlav aletlernıñ qanunsız yapuvı ve tamiri) köre qabaatlağan ediler. Bu maddege köre 8 yıldan 12 yılğace apis cezası çıqarıla. Şimdiki vaqıtında oñı RF Cinayet Qanunnamenıñ 222 maddesine (Patlav aletlernıñ, silânıñ ya da silâ qısımlarnıñ qanunsız aluvı, berüvi, saqlavı ve areketi) köre de qabaatlaylar. Bu maddenıñ sanktsiyasına 5-12 yıllıq apis cezası çıqarıla.
Uyğunsızlıqlar
Qabaatluv tarafından şaatlar, yani Yesipenko toqtatuvnıñ reberi “FTH hadimi” Dmitro Korovin ayta ki, Anğar bağaznıñ yanında avtomobilnıñ toqtatuvından soñ o frilanser-jurnalistni Aqmescitteki FTH işğal idarenıñ binasına alıp ketti. Anda, malümatlarına köre, saat 16:00 toqtatılğan adamnı ve şey isbatlarnını ketirdeler. Daa ayttı ki, o zamanda Vladislav Yesipenko “UTH qazuvından patlav aletini alğanını” tasdıqladı.
Korovin malümatlarına köre, aqşam saat 20:00-21:00 Yesipenkodan FTH binasına qaytmağa ağzaviy söz alıp, evge yolladılar. Vladsislav ise ayta - oñı mağazda tutıp, bütün gece devamında qıynağan ediler ve yapmağan cinayetini boyunına almağa mecburlağan ediler.
Qabaatluv neticenıñ soñki versiyasına Ukraina Tış istihbaratına hızmet etüv ve Kravçuk polkovniknin soyadı aqqında malümatlar yoq. Qabatluv tarafı ayttı ki, şimdiki vaqıtında Vladislavnı patlav aletlernıñ yaratuvına ve areketlerine şübeleyler. Taqıqat neticede añlata ki, Vladislavnıñ aytqanına köre, o “granatnı tecavuziy qırımtatarlardan qorçalanmaq içün aldı”. Lâkin soñki varsiyadan bu satırnı sildiler. Şimdiki vaqıtında qabaatluv böyle: Vladislav Yesipenko “bilinmez maqsadınnen patlav aletnıñ saqlamasına, areketine ve yığmasına” qabaatlana.
Toqtatuvnıñ ve maşnada keçirilgen tüntüv devamında iştiraq etken şaatlarını sorğuğa çektiler. Bu Alina Prilepska ve İvan Levkovskiy ediler. Olar ayttılar ki, maşnda saqlatılğan patlav aletini kinolognıñ köpegi taptı, lâkin Prilepska emin ki, granata bardaqta edi, Levkovskiy ise ayta o dumen tübündeki boşluğına edi.