Tedbirge umumiy reaktsiya

Tedbir yüksek derecede keçti, bu eñ müimdir. Rusiye Federatsiyası bir qaç kere qoşulıp, tesir etmege tırışa edi, lâkin sammit yüksek derecede keçti, 47 vekilâyet kelgen edi. Ülkelerını prezidentler, premyer-nazirler ve nazirler taqdim ettiler. Demek, bu taqdim etüvnıñ eñ yüksek derecesidir. Ukrain Qırımına imdat bildirtken çıqışlar ediler. Çoqsı devletler Qırımnıñ azat etüvine iştiraq etmege azırlıqlarını bildirttiler.

Daa oquñız: Qırım platforması: yarımadanıñ demokratiyasız yedi yıllığı

Qırım siyasiy mabusler mevzusı muzakere etildi mı?

Bu mevzu çeşit türlü qayd etile, çeşit devletler çeşit vekillernen taqdim etilgen edi, bu sebepten bir nazirliknin başqa nazirligine köre bilgileri çoqça ola. Başı çıqışlarda aqıqat olmasa de, bunıñ printsipial manası yoq.Çünki bu programma çıqışlar, eñ esasiy - bu mevzularını episi bir seslendirmek kerek. Şimdi olarnı seslendirsek, kelecekte bu meseleler ile çalışaldamız. Esas yönelişleşleri - 5, ondan ğayrı bizim ekspert ağmızda “Qırım platformağa” uyğun 7 dane yöneliş bar.

Demek, kelecekte bu mevzu aqıqıy iş devirlerine baqılacaq, oña mahhsus mevzulı tedbirler ya da ayrı ekspert taqımlar başışlanğan olacaqlar. Siyasiy mabusler aqqında - misal olaraq, men öz çıqışıma taqıplerden ğayrı insanlarnıñ Vatannen bağınıñ bozuvını tasvir ettim.  Taqıplernıñ mehanizmden ğayrı  başqa maqsadlarını, maisal olaraq bağlar bozuvı aqqında haber etmege pek müimdir. Elbette, episi bu mevzuğa qoşulmadı, çünki bu teren bir mevzu. Ayni bu sebepten mennen taqdim etilgen ekspert ağı yaratılğan edi. Bu analitik merkezi ise bu qararlarını, tekliflerini azırlacaq.

Elbette, men episi çıqışlarını diñledim, olar biri birinden farqlı olsalar de, mañaları bir  - olra Qırımnıñ Ukraina qısımı olğanına qol tutalar, ve basımağa baqmayp  olar imdatlarını bildirtmek içün keldiler, beyannameni imzaldılar. Böyle neticeler eñ müimdir. Ülkelernıñ liderleri keldiler, kerekli vesiqa qayd etildi. Siyasiy mabusler mevzudan kerçek işlerinnen uyğun zenaatçilar, nazirlikler oğraşacaqlar.Bu parlamentara ekspert iş olacaq. 

Qırım platforma Ofisi  episi Qırım mevzuları ile areket etken institutsiya olaraq beyan etile. Siz bir idare temeline monopolizatsiya peyda olğanını qararlaysız mı?

Ümüt etem ki, monopolizatsiya olmacaq. Men bellesem monopoliyadan iç bir vaqıt fayda olmaz, men bellesem böyle maqsad yoq. Müim vazifesini, elbette Prezident vekilâyeti etecek. O episi imkânlarını doğrultacaq, teşkil suallerine yardım etecek, çünki biz körgen ofisi habqa oşay, anda çeşit türlü sanalar çoq. Qırım platformanen bağlı faaliyet içün bu sanalarnen grajadan teşkilâtlar, devlet ükümet organları faydalanmaq mümkün. Men bellesem, bu devlet içinde daimiy areket etken meydan olacaq. Bu ofis ile, bu Ukrainanıñ Qırım platforması ile içki işidir.

Bu sebepten tış siyasiy ve halqara sanada bu işini TİN yapacaq. Tış işler naziri Qırım platforma Ofisinen ve Prezident vekilâyetinnen işbirlik etecek, bu sebepten Ukrainanıñ içki işnıñ vazifesi - şimdiki vaqıtında areket etken qanunlarnıñ  mükemmelleştirmesi. Elbette, qanunlarssız biraz deniştirilgen ediler, lâkin episini daa yerine ketirmediler.  Bu - Ukraina içinde organlarnıñ koordinatsiyası, bu grajdan sektor ile iş.  Menı grajdan sektorına etilgen diqqat pek quvandırttı. Bu lokatsiyalarnıñ donatmasından de körüne, anda grajdan ekspert teşkilâtlarnıñ işine müim emiyet berile. Elbette, iş birlikte yapmanıñ, niyetlerimizni beraberlikte yerine keterüvnıñ timsalidir. 

Daa oquñız:"Qırım platforması" sammiti ögüne 7 sual

Qırım sammitnıñ bir kün ögünce halqara teşkilâtlar ile çoq körüşler keçti. Bizim teşkilâtımız telükesizlik suallerini kötergen edi. Biz diplomatik ve siyasiy suallerini muzakere ete edik, lâkin ondan ğayrı daa telükesizlik sualler de seslendirgen ediler. Men bellesem, Rusiye evelden azırlıq körgen edm, çünki keçken yılnıñ ilk qış ayına RF cinayet qanunnamesinde denişmeler qabul etildiler. Anda 280.2 maddesi peyda oldı. Bu maddege köre,  RF territoriyasına ucumlağan insanlarına nasıl ceza çıqarıla tasvir etildi.  Bu maddenıñ keniş uquq çerçevisi bar, bu sebepten oñıñ astında çeşit türlü şeyler tuşmek mümkün. 

Bu yıl biz endi Rusiye reaktsiyasını kördik, o öz territorial bütünligine ucumnen bunı saydı. Haberim bar ki, Rusiye Federatsiyası çeşit devletlerini qorquzmağa tırışqad edi, böyle formatını faydasız adlandarğan edi. Demek, böyle areketlerini taqıplarnıñ, qorquzlarnıñ sebebinen tanımaq mümkün. Biz qırımdaki ortaqlarmıznen bu mevzunı muzakere ettik, elbette er kez özü qarar çıqara, olar de telükeni añlaylar ve çoqsı faaller içün açiq çıqışlar - mudafaa usulıdır. 

Bu sebepten Rusiye ne yapacaq? Men bellesem yaqın vaqıtında resmiy ve resmiy olmağan subetlerini keçercek. Olarnı kiriş-çıqış noqtadan başlamağa çareleri bar, soñ ise, Qırım sınırlarına devamı olacaq.  Añlamağa kerekmiz, işğal etilgen territoriyada yaşağan insanlar episi bir bu vaziyetnıñ mebusleri olalar. Menim çıqışımnıñ esas tekliflerden biri böyle edi ki, tek işğal etilgen Qırımnıñ deokkupatsiyasından soñ insanlar telükesizlikte bulunacaqlar. Bu vaqıtace, Qırım platforması olmasa edi, Rusiye episi bir faalleyerini taqıp etmege içün sebep tapar edi. Biz qalplıq etilgen davalarnıñ çoq misallerini ketirmege olamız. FTH insan nenen oğraşqanına baqmay, kerek olsa - dava açıla. Demek, episi bir, bu pek müim siyasiy vaqıadır, men bellesem Rusiye oñı körmemezlikke urmaz. 

Elbette, iştiraq etken insanlar içün telüke bar, bunı birisi red etmey. Lâkin Qırım platforma sammitinden evel de telüke bar edi, demek o de qala.  Belki bu maddenı işletirecekler. Lâkin, rus praktikasına köre, o başqa maddelernıñ qullanmağa ola, misal olaraq faallerini, dininy insanlarını makelemek içün patlav aletler aqqında maddenen qullana. Bu sebepten olarnı añlamağa qıyın. Elbet, telüke bar, ve men bellesem, o pek yüksek derecede qala.