“2016 senenin mayıs ayında Bağçasaray şeyerinde kütleviy apislernıñ dalğası keçti. Şeyer içün bu birinci kere edi.  Tintüvleri belli stomatolognıñ, aşçınıñ, qurucınıñ ve iş adamnıñ evlerine keçirdiler.  O künü adam caminiñ ses yañğıratqıçı ile nasıl qırımtatarlarnıñ evlerine tintüvler keçeler haber etti. Bu areketler sebebinden bu adamğa qarşı memuriy davanı açtılar ve resmiy olmağan miting teşkil etüvine qabaatladılar. Demek, tintüv keçirilgen evleri yaqqında toplaşqan insanlarını ükümet resmiy olmağan mitingnen sayya”.

Saliyevler qorantası içün bu birinci alamet edi. O zamanda Seyrannı memuriy para cezasına makemelediler. 2017 senesi, qışta, Saliyevler qorantanıñ evine quvetçiler kene de tintüvnen keldiler.

“O zamanda balalar pek ağlağan ediler.  Quvetçiler bütün evini qaraştırıp çıqtılar. “Siz ne araysıñız? Ne içün keldiñız” suallerime “silâ araymız” cevabından ğayrı birisi bir şey aytmadı, añlatmadı. Qararını biri oqumadı. “Silâlarnı” olar bala çantalarına, menim ilmiy kitaplarıma arağan ediler. Yasaq etilgen edebiyatını aray ediler. Demek, silâ  - bu yasaq etilgen edebiyattır”.

Menba: Facebook/ Mümine Saliyeva

O zamanda, Seyran Saliyevnı 12 künlük memuriy apislevden soñ azat ettiler. Oñı yüzden çoq qırımtatarlar qarşılağan ediler.  Mümine hatırlay ki,  apisten soñ de ömür arqadaşı öz fikipi deniştirmedi.  Seyran ayta edi ki, biz öz halqımıznı nasıl qorçalağan edik, böyle de qorçalamağa devam etemiz. Bir qaç aftadan soñ qorantada dörtinci bala doğuldı. Daa bir qaç aydan soñ FTH kene de evlerine keldi. 

“2017 senenin ekim ayında er şey tekrarlandı. Azbarda endi bilge ğurultısı etildi. Sen anda böyle azır urbaları ne yerde yatalar bilip çapasın. Balalar endi bu ğamnı tanıylar. Ağlağan qaynana endi er şeynıñ çaresizligini añlay. Quvetçilernıñ ve taqıqatçinıñ areketleri de tekrarlanalar. Episini qaraştırıp braqmağa başlaylar. Ömür arqadaşım yerde kelepçernen yata”.

Seyran Saliyevnı Rusiye Federatsiyada yasaq etilgen “Hizb ut-Tahrir” teşkilâtına munasibetine qabaatladılar ve 16 yıllıq apis cezasına makemelediler.

“Elbette, bu halqnıñ qorqutması. Çünki şimdiki vaqıtında  qırımtatarlar kerçekten yarımadada olğan siyasiy ceryanlarını aydınlatalar. Böyle areketler ile bizni susmağa zorlaylar”.

Dosudove rozslіduvannâ spravi  Seyrana trivalo dva roki. І z nih pіvtora - Mumіne ne baçilasâ z çolovіkom. Jіnka nazivaє takі dії moralnim tiskom, ne tіlki na v'yaznâ, ale y na rodinu. Prigaduє, yak zustrіlisâ. 

Seyran qarşı açılğan davanıñ makeme evel taqıqatı eki yıl devamlandı.Bir buçuq yıl Mümine ömür arqadaşını körmedi. Qadın böyle areketlerini ruhiy basımnen adlandıra. Siyasiy mabusten ğayrı, qorantasına de basım eteler. Körüşkenlerini hatırlay.

Menba: Facebook/ Mümine Saliyeva

“Bir buçuq aydan soñ saña birinci kere körüşmege bereler. Devamı eñ çoq - üç saat. Duyğularını tasvir etmege pek qıyın. Tuvğan insannı külrenki urbada köresin. Onı kelepçelernen ketireler.Ruhiy taraftan bu pek qıyın.  Soñ ise etap.  Qırımdan Rostov-na-Donu şeyerine alıp kettiler”.

Mümine ayta ki, Seyran ayda bir kere telefon açmağa aqqını yerine ketirdi. Ondan ğayrı mektüpler yaza. Er bir qoranta azasına - ayrı bir mektüp yaza. Seyran Saliyev ömür arqadaşına yazğan mektübinden qısım:

“Allah saña tınçlıq ve bereket bersin,  menim Sultanım, menim ömür arqadaşım! Balalarmız nasıl? Sağlıqları yahşımı? Mektepteki muvafaqıyetleri nasıl? Ana-babalarmıznıñ sağlaqları nasıl? Halqımıznıñ vaziyeti nasıl?

Qırım işğalnıñ 7 yıl devamında 231 ukrain grajdanı apislengen edi. Çoqsı - qırımtatarlar.