Balalıqtan Lutfiye, terbiyeci olmağa arzu ete edi. Ocalıq tasilini alğan. 2015 senesi Cankoyda “Elif” adlı bala inkişaf merkezini açqan. Lâkin, üç ay soñra merkezge teşkerüvnen , soñ FTH ve prokuratura tintüvlernen keldiler.

“Musulmanlar ve qırımtatarlarğa dair şübeli munasebette bulunğan ealiniñ tarafından şikâyetleri de olğan bile ediler. Ekinciden, grajdan faaliyetim de sebebi ola bilir edi”, - dey Lutfiye Zudiyeva.

Menba: Lutfiye Zudiyeva

Şimdi Lutfiye, “Qırım birdemligi” cemaat teşkilâtınenişdeşlik yapa. İçtimaiy ağlarda makeme ceryanlarnı ve qırım tatarlarnıñ evlerinde kütleviy tintüvlerni aydınlata. Daa siyasiy mabuslarınıñ ailelerine qol tuta. 2019 senesi baarde onı tam  soqaq arasında tutıp alınğanlarını hatırlay. 

“Şekliy olaraq, feysbuktaki yazısı içün tutıp aldılar. Yañlış olmasam, 2013 senesi içün. Amma aqiqaten, bu tutıp aluvını basqınıñ ayrı bir aktı olaraq körem. Yani, şimdi oğraşqanım uquq qoruyıcı faaliyetim, quvetçi terkipler hadimleriniñ sıñırına tiygeni malüm. Akimiyetniñ zıtına tiye. Bu tutıp aluvı, qorqutmaq maqsadınen olundı. Çünki, qaide olaraq, böyle ilk tutıp aluvlarından ya da memuriy işlerden soñ özüni qorçalamaq içün yarımadanı terk eteler”.

Menba: Lutfiye Zudiyeva

Lutfiyeni memuriy bozuluvlarında qabaatlap eki biñ ruble miqdarında cöreme ödettiler. Lâkin qız, oña dair davanı qapatmaq yerine onı vaqtınca toqtattılar dep tüşüne. 

“Qırımda faallerge basqınıñ ayrı bir algoritmi bar. Baştan olarğa dair adiy memuriy maddesi qullanıla. Tevqifniñ bir qaç künü ya da cöreme. Faal, öz faaliyetini toqtatmayıp onı devam etip öz mevamını halq ögünde bildirse, oña daa ciddiy tarzda tesir eteler. Afsus ki, faallerden bazıları, endi cinaiy mesülietligini çekeler”.

Bu afta qırımtatarlarnıñ evlerinde nevbetteki kütleviy tintbvler olıp keçti. Beş insannı yaqaladılar. Şimdi olar Aqmescitniñ tahqiqiy tevqifhanesinde bulunalar.

“Davanıñ baquvından evel bu tevqifhanesinde bulunacaqlar. Yani, evelki tahqiqatı, sürgeni qadar. Afsus ki, tahqikat, öz tempini şimdi tezleştirgen. İlk gruppalar öz tahqiqatnı tahminen yıl içinde keçirilgen olsalar, tevqif alınğanlarnıñ başqa gruppalarınıñ evelki tahqiqatı 4 ay süre edi. Olarnı birden Rostov-Na-Donuğa yiberdiler ve buna köre, adamlarnı Qırımdan mecburen alıp çıqardılar, endi olar rusiye tahqiqat tevqifhanelerniñ territoriyalarında bulunalar”.

Şimdi Qırım territoriyasında qararnen yüz siyasiy mabusı buluna, olarnıñ arasında doquz jurnalisti bar.