Rusiye işğal etilgen Qırımda ve Abhaziyada oquşlar keçire. Ekspertlernıñ fikiri 

Любезна Катерина
·
18:20, 09 Armanay
Rusiye işğal etilgen Qırımda ve Abhaziyada oquşlar keçire. Ekspertlernıñ fikiri 
Foto menbası: Міноборони РФ

İşğal etilgen Qırımda ve Abhaziyada Rusiye miqyas arbiy oquşlarını başladı. Arman aynıñ 9 rus ordusı  miqyas arbiy oquşlarını başlay. Olar berim aynıñ 15 devam etecekler. Oquşlar 20 poligonlarda keçeceler. Olar arasında işğal etilgen Qırımda ve Ğurçistannıñ separatist regionlarda, yani Abhaziyada ve Cenübiy Ösetiyada olğan poligonlar.

Suspilne bu sebebpten ekspertlernıñ fikirlerini bildi.

Arbiy ekspert Laşa Dzebisaşvili haber etti ki, böyle oquşlarını Ğurçistan bağlamda muntazam sürette keçireler. Onıñ fikirine, yañı telükeler yoq, çünki Rusiye 2008 senesinden böyle oquşlarını keçire. Evelsi le ösetin ve abhaz bölüklerinnen beraber böyle oquşlar keçirele ediler.

“Elbette, 2014 Qırımnıñ işğalinden ve Ukraina şarqında olğan meselelerden soñ böyle oquşlar Ukrainada de, onıñ yanında de başlanalar. Lâkin episi bir yañı telükeler qayd etilmey. Başqa taraftan, regionda olğan bağlam denişe, bu qavğalarını toqtatılğan adlandırmaq olmayıq. Bunı Rusiye bağlamda, Ukrainadaki vaziyetnıñ kerginleşmesi. Bir qaç ay evelsi yañı miqayıs qavğanıñ telükesi bar  edi”, - Dzebisaşvili ayttı.

Mütehassıs Karabah vaziyetini misal olaraq ketirdi.  O zamanda qavğanıñ kerginleşmesini birisi beklemedi. Aytqanına köre, böyle oquşlar ne Ğurçistanğa, ne de Ukrainanğa stabillik bermeyler.

“Bu oquşlar pek miqyastır, sıq-sıq Ğurçistanda NATO ve başqa ortaqlarmıznen keçirilgen oquşlarımıznen bir zamanda keçeler. Er bir taraf cenkke öz azırlığını taqdim ete”, - qoştı.

Daa oquñız: İşğal etilgen Qırımda ve Abhaziyada Rusiye miqyas arbiy oquşlarını başladı

Daa bir arbiy ekspert Giorgi Kanaşvili ayttı ki, bu batalyon-taktik oquşlar raatlanmağa bermeyler, çünki olarnıñ, Suveq cenk vaqıtında kibi, Ukrainağa ve Ğurçistanğa telükeleri olmaq mümkün.

“Ne Ukrainanıñ, ne de Ğurçistannıñ areket azatlığı yoq.  Biz raatlanmağa ve Rusiyenıñ şuraviy zamanlarda olğan sınırlarını ğayrıdan tiklemek niyeti aqqında unutmağa olmayıq. Diqqatlı olmağa mecburmız. Rusiyenıñ er bir arbiy areketi, ordu bölüklernıñ köçmesi, batalyon-taktik ya da başqa oquşları biz içün  havflıdır. Gruziya ve Ukraina añlamaq kerek, şimdiki vaziyet - bu suvuq cenknıñ vaziyetidir”, - ekpert ayttı. 

Aytqanına köre, o zamanda Varşava añlaşmanıñ er bir tarafnıñ areketlerine NATO cevap olaraq oquşlar keçire edi. Episi bölükler cenkke azır ediler, çünki oquşlar devamında ucumnıñ telükesi yüksek derecede edi. 

“Oquşlardan soñ episi arbiy bölükler daimiy dislokatsiya yerlerine qaytacaqlar mı haberimiz yoq. Belki olar tehnikanı oquş yerlerde qaldıracaqlar. Bu oquşlarnıñ şekiline diqqat etsek, anda ava areketlernıñ er bir çeşiti bar: ava qarşı mudafaa, mehanikleştirilmiş qısımlar,  çöl istihbaratnıñ bölükleri. Demek, episi bar”, - Kanaşvili ayttı.

İhtiatta olğan polkovnik Öleg Jdanov aytqanına köre, Rusiye Si-Briz 2021 oquşlardan soñ añladı ki, NATO aza-devletlerine qarşı quveti ve miqyas etişmey. 

“Başta, Rusiye sanki suv basuvnıñ  neticelerini yoq etmek içün, Qırımğa 21 askerlerini yolladı. Lâkin daa iç  bir rus askernıñ yardım etüvini birisi körmedi.  Tersine, atuv poligonlarda yañı rus tankları, misal olaraq T-90 peyda oldılar. Soñ Arktikadan aviatsiyanı de Qırımğa yolladılar. Demek, Rusiye işğal etilgen Qırımnıñ territoriyasında arbiy quvetini topladı ve Ğarpqa öz küçüni köstertmege istey. Demek, NATO aza-devletlerden zayıf körünmege istemey ve öz ucum taqımını toplamağa imkânını köstertmege istey. Bu sebepten oquşlar böyle miqayısta keçeler”, - Jdanov ayttı. 

Daa baqınız: Sea Breeze-2021. Halqara oquşlarnıñ neticeleri. | Pavlo Lakiyçuk |Kun mevzuvı

Arbiy ekspert diqqat etti ki, bu oquşlarnıñ terkibi ve stsenariyi Si-Briz 2021 oquşlarına  pek oşay.

“Olar  Si-Briz 2021 oquşlarına kelişken rus muqayesını yapmağa isteyler. Böyle areketlernıñ sebebi - Rusiye NATOğa cenk etmege öz olğanını taqdim etmege istey.Oquşlar Qaradenız flotnıñ eskirlegini kösterttiler. Oraq aynıñ 10 Rusiye Qara deñızge öz flotını çıqardı ve bunı episi kördiler. O rus flotlardan eñ eski, eñ zayıf ve eñ yıfaq ola. Köstertmese ediler - faydası çoqça olğan edi”, - ayttı.

Jdanov haber etti ki, telüke er zaman bar, amma vaqıt-vvaqıtından o ya da kerlinleşe, ya da zaifleşe. Şimdiki vaqıtında telüke kerginleşe, çünki rus askerlerini cenk etmege ögreteler. Rusiye ordusı quvetleştirse, başqalarına qıyın olacaq. Lâkin Ukrainada de öz imtiyazları bar.

“Biz olarğa qarşı zemaneviy tehnikamıznı ve ordularnıñ oqulğanını çıqarmağa imkânımız bar. Biz NATO aza-devletlerinnen beraber ögrenemiz, bu ise bizim imtiyazımız.  Biz Rusiyede olmağan yanı usullarnen qullanmız. Olara arasında arbiy areketlernıñ teşkil etüvnıñ yañı usuliyetleri”, - ayttı.