Bunı Suspilne Qırımğa ekim, “Ekimler Alyansnıñ” Qırımdaki bölüknin başı İrina Daniloviç haber etti.

Siz aşılandıñız mı?

Men aşılanmadım ve birisine tevsiye etmeyim.  Lâkin anam ve babam aşılandılar. Olar qorqıp, inanmaylar. Men belesem, olar o qadar hastalanmağa qorqa ediler, bu sebepten zararı azca olğan usulnı seçip aldılar.

Ekinci vaktsinanı olar aprel ayında aldılar. Yaqında babm kardiologiya bölügine yürek ağrılarınnen tuştı. Oñıñ aq cigerlerınnen ve yüreknen meseleleri bar edi, o tedaviylenmek maqsadınnen yattı.  5 künden soñ o koronavirusqa hastalandı. 

Rеanimatsiyadan oñı kövid hastahanesine keçirdiler. Bir şeynı dizifektsiya yapmadılar, 4 dane bağlanğan insanlarını qaldırdılar. Hastahanege yatqanda, babam kövid testnı yapqan edi, bir şey tapılmadı. Demek, sertifikatıñ olsa, episi bir hastahanege yatqızında kövid testnı yapmağa mecburlaylar.

4 künden soñ bir adamnıñ sıcağı çıqtı, ebir künü babam de yaramadı.  Ekisine de test yapıp, koronavirus hastalığını qayd ettiler.  5 adamdan 2 adam aşılanğan, 3 ise aşvlanmağan ediler. Hastalanğan adamlar ekisi de aşılanğan ediler.

Aşıluv sertifikatı. Menba İrina Daniloviç

Рozitiv Kövid-19 testi.Menba İrina Daniloviç

İşğalcilernıñ malümatlarına köre, rus vaktsinası ne qadar vaqıt devamında faydalı qala? 

Başından yarım-bir yıl faydalı olacaq aytqan ediler. Şimdiki vaqıtında “aşıluv hastalıqtan qorçalamay, hastalanmağa ve başqalarını hastalatmaq telükesi episi bir qala, lâkin hastalıq yengilce keçecek” aytalar.

Rus vaktsinanıñ nasıl neticeleri bar?

Men aşıluvdan soñ mikroinsult olğanı aqqında eşitken edim. Daa birinsan aytqan edi - 20 yaşındaki aqrabası aşılandı,  soñ eki kün devamnında elini duymay edi. 

Ne içün siz Qırımda aşılanmağa istemeysiz?

Şimdiki vaqıtında men şifvhanele çalışam. Raatlanmağa kelgenler çoq. Aksönov (Qırımnıñ işğal başı Sergiy Aksönov - red.) restorannlarğa, barlarğa bütün gece devamında çalışmağa razılıq berdi, lâkin bir şartı bar - episi hadimler aşılanğan olmaq mecbur. Eger hadimlernıñ 95% aşılanmasa, bala lagerleri, şifahaneler ve pansionatlar arman aynıñ 1 qapalı rejimge keçecekler.

Nasıl qarar ile men insanlarnı aşılanmağa çağırtmağa mecburım soradım. “Qarar yoq, lâkin Aksönov ayttı”, - cevabı edi.  “Ne vaqıt qarar olsa, o vaqıt biz de bu mevzuğa qaytacamız”, - ayttım. Bilmeyim,  arman aynıñ 1 qarar çıqarılsa - men istafağa ketecem, çalışmacam. 

Vaktsina teşkerüvlarnıñ 3 etapnı keçmedi, men bellesem 3 etap - insanlarda teşkerüv. Men rus ükümetnıñ mecbur etüvine qulaq asmayım, telükesini duyam. Men gripten de olarnıñ vaktsinaları ile aşılanmayım.

Ne içün işğal etilgen Qırımla aşılanmağa mecburlaylar?

Çünki yahşı statistikanı yaratmağa isteyler.  Vaktsinanı yaptılar,  para tolediler, endi paralarını qaytarmağa kerek. Anda insan sağlıqları ile qasevet yoq, tek öz meraqları. “Ukümet” öz faydalı olğanını köstertmege istey, bu sebepten olar sanki pandemiyanen küreşeler, amma kerçekten olar insanlarını tek qorquzalar.

Ukrainada aşılanmağa isteginiz bar mı?

Men Ukrainağa barıp aşılanmağa isteyim.  Men vaktsinağa qarşı çıqmayım, lâkin faydalı vaktsinanen, DSST qayd etilgen vaktsinanen  aşılanmağa isteyim.  Men  aşıluvqa yazılmaq içün Qırımdaki  sıcaq yolağına telefon açtım.  Maña imtiyazlar aqqında  sual berdiler. İmtiyaz olğanlarını birinciden Pfayzer vaktsinanen aşılaylar. Men tibbiy hadimi olğanımı ayttım.  Maña başlıqqa hatip etmege ayttılar.